Душанбе. 14-уми май. ОИ «Азия-Плюс» - Имрӯз дар шаҳри Душанбе аз ҷониби вазири рушди иқтисод ва савдои ҶТ Ғуломҷон Бобозода ва сафири Олмон дар Тоҷикистон Дорис Хертрампф ба маблағи умумии 36 млн. Евро ду санади ҳамкорӣ ба имзо расид.
Созишномаи байниҳукуматии имзошуда дар бораи ҳамкории кишварҳо барои солҳои 2008-2009,
аз ҷониби ҳукумати Олмон ҷудо кардани воситаҳои бурсӣ ба маблағи 29 млн. Евроро пешбинӣ мекунад, ки ба татбиқи лоиҳаҳои рушди маблағгузории хурд дар манотиқи деҳот (4,5 млн.), таъсиси бонки молиявии хурд (марҳилаи саввум – 2,5 млн.), ҳифзи солимии модару кӯдак ва беҳбуди низоми кӯмаки таъҷилии тиббӣ (7,4 млн.), мубориза алайҳи бемории сил (4,6 млн.) ва ивази дастгоҳҳои тақсими нерӯи барқ дар нерӯгоҳи Норак (5 млн. Евро) равона хоҳад гардид.
Ғайр аз ин, 5 млн. Евро маблағ барои сохтмони панҷ нерӯгоҳи барқии иқтидори миёна истифода хоҳад гардид, ки яке аз онҳо нерӯгоҳи «Оқсӯ» дар ноҳияи Мурғоб мебошад.
Ҳамчунин ҷонибҳо ба маблағи умумии 7 млн. Евро оид ба ҳамкории фаннӣ созишнома ба тасвиб расониданд. Ин маблағҳои бурсӣ баҳри мусоидат ба рушди соҳибкории хурду миёна, дастгирии маблағгузориҳои хурд ба рушди манотиқи деҳот, суръат бахшидани раванди ислоҳот дар соҳаи маълумоти касбиву ибтидоӣ ва таъсиси бунёди пардохти ташхисҳо пешбинӣ шудаанд.
Ба гуфтаи Ғ.Бобозода, аз замони шурӯъи ҳамкориҳои молиявӣ ва фаннӣ миёни кишварҳо маблағи умумии ҷудогардида 119,3 млн. Евроро ташкил медиҳад.
“Сӯи душман тез кардам ман қаламро...”. Зулфия Атоӣ 70-сола шуд
Чӣ гуна як зани афғонистонӣ дар Тоҷикистон ба паноҳҷӯён ҷои кор медиҳад?
Интихоботи Эрон. Кӣ президент мешавад ва муносибат бо Тоҷикистон тағйир мехӯрад?
“Муллои ҷинбарор” боздошт ва бо пардохти ҷарима озод шуд
Саидҷаъфар Усмонзода аз ҳуқуқи дахлнопазирӣ маҳрум ва боздошт шудааст
Дар Иди Қурбон дар куҷои Душанбе чорво забҳ кардан мумкин аст?
Боздошт ва ҳабси шавҳари блогери тоҷик баъди шикояташ оид ба хушунат
Дар Петербург зани тоҷик худро аз паси писари аз тиреза афтодааш ба замин партофт
Русия ба Тоҷикистон 275 ҳазор китоби дарсӣ мефиристад
Раҳматулло Ҳошим: Сурудҳои ирфонии Одина Ҳошимро ба Ҳизби коммунисту Кумитаи амният мефиристоданд
Кулли ахбор
Авторизуйтесь, пожалуйста