Шаҳбол Мирзоев, сарбози неруҳои марзбонии Тоҷикистон, ки ҳафт сол пеш ҳангоми адои хидмати сарбозӣ дар артиш маъюб шуда буд, даргузашт. Дар ин бора хабарнигори Asia-Plus дар вилояти Суғд бо такя ба наздикони Шаҳбол Мирзоев хабар медиҳад.
Ба гуфтаи хабарнигори мо, Шаҳбол Мирзоев чанд вақти ахир дар Беморхонаи вилоятӣ дар шаҳри Хуҷанд бистарӣ буд ва дар шуъбаи эҳёи Беморхонаи клиникавии вилояти Суғд баъди 6 рӯз бистарӣ шудан даргузашт.
Дар ҳоли ҳозир далели марги Шаҳбол Мирзоев гуфта нашудааст, вале ҳафтаи гузашта табибон дар ӯ нишонаҳои илтиҳоби шушро ташхис дода буданд.
Ба иттилои хабарнигори мо, ҷасади Шаҳбол Мирзоевро падару модар ва бародараш, ки аз ӯ дар беморхона парасторӣ мекарданд, ба зодгоҳашон, ноҳияи Ашти вилояти Суғд бурданд. Қарор аст имрӯз маросими ҷанозаи ӯ дар деҳаи Хиштхонаи ҷамоати Понғози ин ноҳия баргузор шавад.
Қазияи Шаҳбол Мирзоев яке аз пурсарусадотарин қазияҳои сарбозозорӣ ё "дедовшина" дар Тоҷикистон буд, ки баҳсҳои зиёди судӣ саранҷом бо пардохти 40 ҳазор сомонӣ ҷуброни зарари моддию маънавӣ аз сӯйи Сарраёсати нерӯҳои марзбонии Тоҷикистон ба анҷом расид.
Шаҳбол моҳи марти соли 2014 бар асари лату кӯби шадиди як ҳамхидматаш маъюб шуд. Табибон гуфтанд, ки устухони миён ва гардани сарбоз маҷрӯҳ шуда, барои барқарории саломатии ӯ муддати дароз лозим мешавад.
Дар панҷ сол Шаҳбол Мирзоев аввал дар бемористонҳои Тоҷикистон ва баъдан дар як шифохонаи Русия ҷарроҳӣ ва муолиҷа шуд. Солҳои охир дар бемористони шаҳри Хуҷанд муолиҷа мешуд.
Барои лату кӯби Шаҳбол Мирзоев додгоҳ моҳи ноябри соли 2014 Усмоналӣ Ғайратов, фелдершери воҳиди низомии нерӯҳои марзбониро ба 9 соли зиндон ва Гулрафтор Ширинова, сардори дорухонаи ҳамин қисми низомиро ба 1,5 соли корҳои иҷборӣ маҳкум кард. Вале баъди содир шудани қонуни афв, ҳукми Ғайратов то 7 сол коҳиш дода шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста