Дар Тоҷикистон тарофаҳои зангҳои содиротӣ ба Русия тавассути алоқаи мобилӣ меафзоянд.
Арзиши як дақиқаи гуфтугӯ тавассути ҳамаи ширкатҳои алоқаи мобилии Тоҷикистон бо муштариёни тамоми операторони алоқаи мобилии Русия ягона – 0,12 $ (бо назардошти ААИ ва 3%-и андози аксизӣ) муқаррар гардид.
Боло бурдани тарофаҳои зангҳои содиротӣ бо мақсади иҷрои фармоиши Хадамоти зиддиниҳисорӣ ва Хадамоти алоқаи назди ҳукумати ҶТ сурат мегирад. Ин фармоиш ҳанӯз моҳи майи соли 2011 рӯйи кор омада буд, вале дар муҳлати мукарраршуда ба иҷро нарасида, барои он ширкатҳои алоқаи мобилӣ ҷаримабандӣ шуда буданд.
Бино ба маълумоти Хадамоти зиддиинҳисории ҷумҳурӣ, ин дастурро бояд чор ширкати пешрафтаи алоқаи мобилии ҷумҳурӣ – «Мегафон-Тоҷикистон», Babilon-M, Tcell ва «Таком» (Beeline) ба иҷро расонанд.
Раиси Асссотсиатсияи операторони алоқаи мобилии Тоҷикистон Ғафур Эркаев бар ин назар аст, ки тарофаи мукаррашуда 12 сент барои зангҳои содиротӣ воқеӣ буда, ба арзиши аслии он баробар аст. «Аз оғози роҳандозии алоқаи мобилӣ дар Тоҷикистон арзиши зангҳо танҳо тамоили поинравӣ дошт ва ширкатҳо дарк намуданд, ки минбаъд чунин фаъолият доштан ғайриимкон буда, ҳар як занги содиротӣ бояд ба арзиши аслиаш баробар бошад», - гуфт вай.
Роҳбари хадамоти робита бо ҷомеаи ҶСП «ТТ-Мобайл» (Мегафон-Тоҷикистон) Кармэн Еткеева дар суҳбат бо хабарнигори ОИ «Азия-Плюс» дар робита ба ин масъала изҳор кард, ки «мо огаҳем, ки муштариёни аз Русия ба Тоҷикистон ва ё аз Тоҷикистон ба Русия зангзананда афроди доро нестанд ва хароҷоти худро ҳисоб мекунанд. «Албатта, ин ба нуфузи ширкат ва нишондиҳандаҳои тиҷоратӣ бетаъсир нахоҳад буд, вале дастури расмӣ вуҷуд дорад ва мо онро бояд ба иҷро расонем», - иброз дошт ӯ.
Дар Хадамоти зиддиинҳисорӣ изҳор карданд, ки ин чораҳо ба хотири пешгирии арзиши инҳисории паст ё баланд барои алоқаи мобилӣ андешида мешаванд. «Зимни таҳлили бозори алоқаи мобилӣ маълум шуд, ки чанде аз ширкатҳои дорои қароргоҳи асосӣ дар Русия бо истифода аз мавқеи мусоиди худ арзиши зангҳоро паст намуданд ва бо ин амал операторони дигари алоқаи мобилиро дар мавқеи нобаробар гузошта, қонунгузории зиддинҳисориро риоя накардаанд», - гуфтанд дар хадамоти мазкур.
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Кулли ахбор
Авторизуйтесь, пожалуйста