Палатаи поёнии парлумони ҷумҳурӣ Созишномаи сармоягузорӣ байни ҳукумати Тоҷикистон ва ширкати "OXUS INTERAZIA FZCO" оид ба сохтмон ва ба истифода додани корхонаи истеҳсоли тамоку дар Минтақаи озоди иқтисодӣ (МОИ)-и "Данғара"-ро тасдиқ кард.
Қарори дахлдори Маҷлиси намояндагони Маҷлиси Олии Тоҷикистон аз 2 октябри соли равон имрӯз, 26 октябр дар Портали иттилооти ҳуқуқии Вазорати адлияи ҷумҳурӣ нашр шудааст.
“Ҳукумати ҶТ бо тартиби муқарраргардида Ширкати "OXUS INTERAZIA FZCO"-ро дар бораи аз ҷониби Тоҷикистон иҷро гардидани расмиёти дохилидавлатие, ки барои эътибор пайдо кардани Созишнома заруранд, огоҳ намояд”,- омадааст дар қарор.
Созишнома оид ба сохтмон ва ба истифода додани корхонаи истеҳсоли тамоку дар МОИ "Данғара" байни ҷонибҳо 25 майи соли ҷорӣ дар Душанбе имзо шуд.
Дар созишнома зикр мегардад, ки сармоягузор барои амалисозии лоиҳа “захираҳои молиявӣ, технологӣ, кадрӣ ва ғайраҳоро ҷудо мекунад ва ҳукумат розӣ мешавад, ки низоми махсуси ҳуқуқӣ, аз ҷумла низоми махсуси андозӣ ва гумрукиро барои татбиқи лоиҳа пешниҳод месозад”.
Дар назар аст, ки дар марҳилаи аввали лоиҳа сармоягузор барои сохтмон 20 млн доллар маблағгузорӣ кунад. Муҳлати марҳилаи аввали татбиқи лоиҳаи мазкур 18 моҳ муқаррар шудааст.
Иқтидори солонаи корхона пас аз амалисозии марҳилаи аввали лоиҳа истеҳсоли 3 млрд дона сигорро ташкил хоҳад дод.
Дар марҳилаи дуюм сохтмони иқтидорҳои иловагӣ барои афзоиши ҳаҷми истеҳсоли маснуоти тамоку то 6 млрд дона сигор дар як сол пешбинӣ шудааст. Маблағи умумии лоиҳа дар марҳилаи дуюм 7 млн долларро ташкил дода, муҳлати анҷоми он 6 сол муқаррар шудааст.
Дар матни созишнома гуфта мешавад, ширкати Oxus Interasia FZCO дар Минтақаи озоди Ҷебал Алӣ (АМА) ба қайд гирифта шудааст. Дафтари кории марказии ин ширкат дар шаҳри Дубай воқеъ аст.
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
Кулли ахбор
Авторизуйтесь, пожалуйста