Вазири рушди иқтисод ва савдои Тоҷикистон Завқӣ Завқизода аз директори генералии Фонди рушди Абу Дабӣ Муҳаммад Сайф Ал Сувайдӣ даъват кард, ки фонди мазкур дар маблағгузорӣ ба лоиҳаи сохитмони Неругоҳи барқи обии “Роғун”, инчунин неругоҳҳои офтобию бодӣ дар ҷумҳурӣ иштирок кунад.
Тавре ки хадамоти матбуоти Вазорати рушди иқтисоди ҷумҳурӣ хабар медиҳад, ин пешниҳод аз ҷониби ниҳоди молиявии мазкур “хуш пазируфта шуд”.
Гуфта мешавад, ин вохӯрӣ рӯзи 28 феврал дар Абу Дабӣ дар доираи Конфронси 13-уми вазирони кишварҳои аъзои Созмони ҷаҳонии тиҷорат баргузор шуд.
“Дар анҷоми вохӯрӣ ҷонибҳо омодагии худро барои тавсеаи минбаъдаи ҳамкориҳои тиҷоратию иқтисодӣ баён намуданд”, - зикр мешавад дар хабар.
Бино ба маълумоти Вазорати молияи Тоҷикистон, Фонди рушди Абу Дабӣ ба сифати сармоягузори имконпазири лоиҳаи неругоҳи “Роғун” баррасӣ мешавад.
Қаблан дар Вазорат ба “Азия-Плюс” хабар дода буданд, ки дар қатори дигар ниҳодҳо оид ба рушд, бо ин Фонд низ ҷиҳати ҷалби маблағ барои идомаи сохтмони неругоҳи “Роғун” гуфтушунидҳои ҷараён доранд.
Дар назар аст, ки соли равон барои маблағгузорӣ ба лоиҳаи неругоҳи “Роғун” 5 млрд сомонӣ (456 млн доллар) равона мегардад: аз ҷумла 2,2 млрд сомонӣ аз ҳисоби ҷалби сармоягузории хориҷӣ ва маблағи боқимонда - аз ҳисоби сарчашмаҳои дохилӣ.
Тибқи маълуомти Вазорати энергетика, барои идомаи сохтмони неругоҳи “Роғун” ҳамасола 1 млрд доллар ва амалисозии пурраи лоиҳа - 6,2 млрд доллар маблағгузорӣ лозим аст.
Бино ба маълумоти расмӣ, пас аз барқраор шудани корҳои амалисозии лоиҳа дар соли 2008, ба корҳои идомаи сохтмони ин иншоот зиёда аз 40 млрд сомонӣ равона гардидааст.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста