Вазири нақлиёти ҷумҳурӣ Азим Иброҳим изҳор дошт, ки нақлиёти роҳи оҳан аз муҳимтарин соҳаи стратегии Тоҷикистон ба шумор меравад. Дар ин бора дафтари матбуоти Вазорати нақлиёти ҷумҳурӣ хабар медиҳад.
Зимни суханронӣ дар иҷлосияи «Рушди долонҳои байналмилалии нақлиётии мултимодалӣ, ки аз қаламрави кишварҳои Осиё ва Шарқи Наздик мегузаранд» дар доираи Форуми XV байналмилалии иқтисодии «Русия - ҷаҳони ислом: KazanForum 2024» дар шаҳри Қазони Русия вазир зикр кард, ки нақлиёти байнулмилалӣ “дар қонеъ сохтани талаботи иқтисодиёт ва аҳолии мамлакат ба ҳамлу нақли бору мусофирон нақши муҳим дорад”.
![](https://asiaplustj.info/sites/default/files/articles/337000/%D0%9A%D0%B0%D0%B7%D0%B0%D0%BD%D1%84%D0%BE%D1%80%D1%83%D0%BC.jpg)
Ӯ таъкид дошт, ки 70% борҳои воридотӣ ва содиротии мамлакат маҳз тавассути нақлиёти роҳи оҳан интиқол дода мешавад.
Ба гуфтаи вазир, дар соҳаи роҳи оҳан айни замон беш аз 10 лоиҳаи муҳими рушд ба маблағи умумии ҳудуди 7,5 млрд доллар таҳия шудааст.
Азим Иброҳим ҳамчунин хабар дод, ки феълан дар ҷумҳурӣ 10 долони афзалиятноки савдо ва транзит муайян карда шудааст, ки қаламрави ҷумҳурии моро аз шарқ ба ғарб ва аз шимол ба ҷануб убур мекунанд.
“Ҳукумати ҷумҳурӣ ба рушди долонҳои мултимодалии иқтисодӣ ва нақлиётии Тоҷикистон, ки кишварҳои Осиёи Ҷанубу Шарқиро бо мамолики Осиёи Марказӣ, Русия, Эрон, Туркия ва давлатҳои Аврупо мепайвандад ва ба бандарҳои баҳрӣ роҳ мекушояд, таваҷҷуҳи махсус медиҳад”, - иброз дошт вазир.
Зикр шуд, ки ҷиҳати истифодаи самараноки долони «Тоҷикистон – Узбекистон –Туркманистон – Эрон–Туркия», ки бартарии он таъмини кӯтоҳтарин хатсайр аз сарҳади Чин тавассути қаламрави Тоҷикистон ва кишварҳои номбурда мебошад ва ба ҳамгироии иқтисодии минтақавӣ мусоидат мекунад, корҳо фаъолона идома доранд.
Ӯ шарҳ дод, ки ин гузаргоҳи байналмилалии мултимодалӣ Чинро бо кишварҳои масири “Шимол – Ҷануб”, яъне уқёнуси Ҳинд ва халиҷи Форсро бо баҳри Хазар тавассути Эрон мепайвандад.
Азим Иброҳим таъкид дошт, ки масири “Шимол-Ҷануб” рушди ҳамлу нақли муназзам, саривақтӣ ва самарабахши молҳоро дар байни кишварҳои минтақа таъмин месозад.
“Тоҷикистон, ки аҳамияти ин хатсайрро дарк кардааст, соли 2004 тасмим гирифт, ки ба он ҳамроҳ мешавад”, - гуфт вазир.
Иди саиди Қурбон муборак!
“Сӯи душман тез кардам ман қаламро...”. Зулфия Атоӣ 70-сола шуд
Чӣ гуна як зани афғонистонӣ дар Тоҷикистон ба паноҳҷӯён ҷои кор медиҳад?
Интихоботи Эрон. Кӣ президент мешавад ва муносибат бо Тоҷикистон тағйир мехӯрад?
“Муллои ҷинбарор” боздошт ва бо пардохти ҷарима озод шуд
Саидҷаъфар Усмонзода аз ҳуқуқи дахлнопазирӣ маҳрум ва боздошт шудааст
Дар Иди Қурбон дар куҷои Душанбе чорво забҳ кардан мумкин аст?
Боздошт ва ҳабси шавҳари блогери тоҷик баъди шикояташ оид ба хушунат
Дар Петербург зани тоҷик худро аз паси писари аз тиреза афтодааш ба замин партофт
Русия ба Тоҷикистон 275 ҳазор китоби дарсӣ мефиристад
Кулли ахбор
Авторизуйтесь, пожалуйста