Дар садамаи нақлиёти фоҷеабор, ки шоми 9-уми октябр дар хиёбони Рӯдакии пойтахт рух дода, бар асари он се нафар ба ҳалокат расидаву боз се тан бо ҷароҳатҳои вазнини ҷисмонӣ ба бемористон мунтақил шуданд, писари директори чойхонаи «Роҳат» Ӯктам Мансурови 26-сола ва як хеши ӯ Аловиддин Саидови 21-сола ба ҳалокат расидаанд.
Бино ба маълумоти ВКД, дар рух додани ин садама ҷияни роҳбари КВД «Роҳи оҳани Тоҷикистон» Амонулло Ҳукумов – Ҳукумов Асрор Нуруллоевичи 21-сола гунаҳкор будааст.
Ба гуфтаи муҳосиби чойхонаи «Роҳат», субҳи рӯзи чоршанбе ӯ ба кор омада, огаҳ гардидааст, ки Ӯктам ва Аловиддин, ки онҳо ҳам кормандони ин муассисаанд, дар садамаи нақлиёт фавтидаанд.
«Писари директори чойхонаи «Роҳат» Мансур Саидов ба ҳайси иқтисодчӣ ва хеши онҳо Аловиддин Саидов ба сифати ошпаз дар чойхона фаъолият доштанд», - гуфт ба ОИ «Азия-Плюс» муҳосиби чойхона.
Аз ифшои ҷузъиёти дигари ҳодиса ӯ худдорӣ варзида, изҳор намуд, ки дар бораи як ҳалокшудаву маҷрӯҳони дигар чизе намедонад.
Қаблан як манбаъи ОИ «Азия-Плюс» аз Вазорати корҳои дохилии ҷумҳурӣ хабар дода буд, ки ҷабрдидагон аз ин садама кормандони чойхонаи «Роҳат» буда, маълум аст, ки писари директори чойхона ба ҳалокат расидааст. «Асрор Ҳукумов осеби ҷиддие надида, танҳо баъзе ҷойи баданаш озору лат хӯрдаанд», - иброз дошта буд манбаъ.
Дар иттилои сомонаи расмии ВКД ҶТ зикр гардида буд, ки суръати хеле баланди автомашинаи тамғаи «БМВ», рақами давлатиаш ВМ 20-20 РТ 01 ба ин ҳодиса боис гардидааст.
Ин автомашина ҳангоми ҳаракат аз кӯчаи Рӯдакӣ ба тарафи кӯчаи И. Сомонӣ, дар чорроҳаи кӯчаи Рӯдакӣ- Шоҳмансур ба муқобили самти ҳаракат мебарояд, ки дар натиҷа ба автомашинаи тамғаи ВАЗ 21-014 рақами давлатиаш 80-36 ВВ 01, ки аз кӯчаи Шотемур ба самти кӯчаи Шероз ҳаракат мекард, бармехӯрад
Дар натиҷаи ин бархӯрд, ронандаи автомашинаи тамғаи ВАЗ 21-014 ва ду мусофири дохили он бо бардоштани ҷароҳати вазнини ҷисмонӣ дар ҷойи ҳодиса ба ҳалокат расида, се нафари дигар ҷароҳатҳои гуногун мебардоранд.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста