Бар асари садамаи нақлиёт дар вилояти Пскови Русия 5 нафар аъзои як хонаводаи Тоҷикистон ба ҳалокат расиданд.

Садама тақрибан соати 9-и субҳи рӯзи 7-уми сентябр дар километри 242-юми роҳи мошингарди Санкт-Петербург – Невел рух додааст. «Тибқи маълуомти пешакӣ, ронандаи автомашинаи тамғаи «БМВ» аз уҳдаи идораи воситаи нақлиёт набаромада, ба автомашинаи тамғаи «МАН» бармехӯрад», - иттилоъ медиҳад сомонаи Сарраёсати Вазорати ҳолатҳои фавқулдаи Русия дар вилояти Псков.

Гуфта мешавад, дар дохили автомашинаи «БМВ» 5 нафар қарор доштаанд. Дар аввал шахсияти онҳоро муайян карда натавонистаанд. Сипас «Интерфакс» бо истинод ба Раёсати минатқавии ВҲФ Русия иттилоъ дод, ки ҳамаи ҳалокшудагон шаҳрвандони Тоҷикистон – Тоҷибоев Суҳробҷон Юсуфҷонович, Раҳимова Нилуфар Изззатуллоевна, ҳарду 33-сола, Тоҷибоева Арофат Суҳробҷоновнаи 1-сола, Тоҷибоева Меҳрона Суҳробҷоновнаи 3-сола ва Тоҷибоева Шаҳзода Суҳробҷоновани 8-сола мебошанд.