Оҷонсии зиддифасоди Тоҷикистон дар робита ба хукушии Асадҷон Баҳромов, сардори шуъбаи Агентии суғуртаи иҷтимоӣ ва нафақа дар шаҳри Панҷакент, ки гуфта мешуд, баъди бозпурсӣ ва фишори муфатишони Идораи зиддифасод дар минтақаи Зарафшон даст ба худкушӣ задааст, вокуниш карда, таъкид кардааст, ки “марги номбурда ба фаъолияти мақомоти Агентӣ иртиботе надорад”.
Маркази матбуоти Оҷонсии зиддифасод афзудааст, ҳанӯз 14-уми ноябри соли 2022 аз ҷониби шуъбаи минтақавии Агентӣ дар водии Зарафшон нисбати Асадҷон Баҳромов барои сӯиистифода аз ваколатҳои мансабӣ (моддаи 314 қисми 1) парвандаи ҷиноятӣ боз шуда, ӯ ба сифати гумонбаршуда мавриди пурсиш қарор гирифтааст.
Ин ниҳод гуфтааст, бозпурсии Асадҷон Баҳромов “бо мақсади таъмини тафтиши ҳамаҷониба, холисона ва пурраи ҳолатҳои кор дар доираи парвандаи ҷиноятӣ” сурат гирифта, ӯ оид ба фаъолияти мақомоти таъқиби ҷиноятӣ ягон маротиба изҳори нигаронӣ накардааст.
“Амалҳои тафтишӣ нисбати Баҳромов А.М. бо таъмини риояи ҳуқуқҳои конститутсионии ӯ ва талаботи моддаи 46 Кодекси мурофиавии ҷиноятии Ҷумҳурии Тоҷикистон, ки ҳуқуқҳои мурофиавии гумонбаршуда, аз ҷумла ҳуқуқ ба ҳимоя ва изҳори рад намуданро пешбинӣ мекунад, роҳандозӣ гардидааст. Дар рафти тафтиши пешакӣ гумонбаршуда Баҳромов А.М. оид ба фаъолияти мақомоти таъқиби ҷиноятӣ ягон маротиба изҳори нигаронӣ накардааст”, - омадааст дар изҳороти Оҷонсии зиддифасод.
Гуфта мешавад, ки рӯзи 11-уми январи соли 2023 Асадҷон Баҳромов дар манзили истиқоматиаш “бо сабаби асфексияи механикӣ дар натиҷаи пахшшавии узвҳои гардан вафот намудааст”.
Ин ниҳод аз бозтоби ҳодисаи худкушӣ, яъне таъкиди “баъди бозпурсии кормандони Идораи зиддифасоди минтақаи Зарафшон худкушӣ кардааст”, нигаронӣ карда, афзудааст, “бо чунин тарз инъикос намудани ҳолати мазкур тобиши иғвоангезона дошта, ба ҳақиқат номувофиқ мебошад ва марги номбурда ба фаъолияти мақомоти Агентӣ иртиботе надорад”.
Масъулини Оҷонсии зиддифасоди Тоҷикистон иттилоъ додаанд, ки сабабҳои марги Асадҷон Баҳромов аз ҷониби мақомоти прокуратура мавриди санҷиш қарор дорад.
Ёдовар мешавем, ки Асадҷон Баҳромови 58-сола ва падари се фарзанд рӯзи 11-уми январ дар манзили истиқоматиаш худро ба дор овехт. Пайнвандонаш даъво доранд, ки ӯ дар пайи як тӯҳмат ва даъвати батакрори Идораи зидди фасод худкушӣ кард.
Путин Эмомалӣ Раҳмонро ба Маскав даъват кард. Суҳбати телефонии роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста