Хуҷанд. 6-уми июн. «Азия-Плюс» — | Сардори муассисаи сукунатии ЯС-3/11-и шаҳри Хуҷанд зимни ришваситонӣ бо далели шайъӣ дастгир карда шуд.
Чӣ тавре ки ба хабарнигори ОИ «Азия-Плюс» аз мақомоти додситонии вилояти Суғд хабар доданд, дар мақомоти мазкур аз рӯйи ин далел мутобиқи моддаи 319, қ. 4-и КҶ ҶТ (Гирифтани пора бо тамаъҷӯйӣ) нисбат ба сардори муассисаи сукунатӣ Ғуломалӣ Пӯлодов парвандаи ҷиноӣ оғоз шудааст.
К.Х. ба ҷурми даст доштан ба муомилоти ғайриқонунии маводи мухаддир ба муддати 4 соли зиндон маҳкум гардида буд. Дар таърихи 29-уми декабри соли 2009 ӯ аз зиндон ба муассисаи сукунатӣ гузаронида шуда, мебоист рӯзи 2-юми ноябри соли 2011 озод карда шавад. Ба иттилои манбаъ, сардори муассиса бо ваъдаи пеш аз мӯҳлат озод кардани маҳкумшуда ҳар дафъа аз ӯ маблағи пулӣ талаб мекардааст. «Бо гузашти ҳар даҳ рӯзе сардори муассисаи сукунатӣ аз К.Х. дар ҳаҷми аз 200 то 500 сомонӣ маблағи пулӣ тамаъ мекардааст», - гуфтанд дар мақомоти додситонӣ.
Дигар косаи сабри маҳкумшуда лабрез гардида, рӯзи 1-уми июни соли равон ӯ аз ин ҳодиса ба мақомоти додситонии вилоти Суғд хабар медиҳад. «Рӯзи дигар зимни тамаъҷӯйии навбатӣ, яъне гирифтани 1 тонна семент барои сохтмони манзили зисташ Ғуломалӣ Пӯлодов аз ҷониби кормандони мақомот боздошт гардида, аз рӯйи ин далел корҳои тафтишотӣ идома доранд», - изҳор дошт манбаъ.
Бино ба маълумоти мақомоти додситонии вилояти Суғд, дар зарфи 5 моҳи соли ҷорӣ кормандони додситонии вилоят 5 далели ришваситонӣ аз ҷониби шахсони мансабдорро ошкор сохтаанд.
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Кулли ахбор
Авторизуйтесь, пожалуйста