Душанбе. 15-уми июн. «Азия-Плюс» — | Бино ба маълумоти пешакӣ, бар асари бетартибиҳои оммавии рухдода дар Кӯлоб, ки пас аз анҷоми вохӯрии дастаи футболи «Равшан»-и Кӯлоб ва «Истиқлол»-и Душанбе ба вуқӯъ пайваст, 10 нафар осеб диданд.
Мухлисони дастаи «Равшан» дар шикасти дастаашон доваронро гунаҳкор медонанд, ки гӯё ба нафъи душанбегиҳо фаъолият мекардаанд.
Тавре ба ОИ «Азия-Плюс» сардори маркази матбуоти Вазорати корҳои дохилии ҷумҳурӣ Маҳмадулло Асадуллоев хабар дод, кормандони мақомоти ҳифзи ҳуқуқ 20 нафар иштирокчиёни бетартибиҳои оммавиро боздошт кардаанд. «Дар бетартибиҳо оммавӣ мухлисони дастаҳо иштирок карда, бар асари он 10 нафар бо ҷароҳатҳои миёнаву сабук ба беморхона бурда шудаанд», - гуфт ӯ.
Ба қавли мавсуф, 20 нафар иштирокчиёни бетартибиҳо боздошт ва ба шӯъбаи корҳои дохилии шаҳри Кӯлоб оварда шудаанд. «Аз рӯйи ин далел мутобиқ моддаи «Авбошӣ» парвандаи ҷиноӣ боз гардида, айни замон корҳои тафтишотӣ анҷом дода мешаванд», - иброз дошт вай.
Номбурда афзуд, дар ин ҳодиса ҳеҷ яке аз кормандони мақомоти ҳифзи ҳуқуқ ва варзишгарон осеб надидаанд.
Ёдрас мекунем, ки шоми дирӯз пас аз анҷоми бозӣ миёни дастаҳои футболи «Равшан»-и Кӯлоб ва «Истиқлол»-и Душанбе дар майдони варзишии шаҳри Кӯлоб, ки бо пирӯзии душанбегиҳо бо ҳисоби 1 бар сифр ба охир расид, бетартибиҳои оммавӣ ба вуқӯъ пайвастанд.
Ба гуфтаи як шоҳиди ҳодиса, мухлисони дастаи «Равшан» ба фаъолияти доварон, ки ба ақидаи онҳо он ба шикасти дастаашон боис гардидааст, ба таври ошкоро ба изҳори норозигӣ оғоз кардаанд. «Кормандони милиса кӯшиш карданд, ки зӯран мухлисони норозиро аз майдон берун бароранд, вале чанде аз мухлисон ба ин тан надода, муқобилият нишон доданд, - мегӯяд ӯ. – Дарҳол чанд таркише рух дода, осеб дидани мухлисон аз эҳтимол дур нест».
Як манбаъ аз мақомоти қудратӣ ба ОИ «Азия-Плюс» изҳор дошт, ки баҳри пешгирии бетартибиҳои оммавӣ кормандони милиса аз воситаҳои махсус, аз қабили гази ашковар, таркишҳои огоҳкунанда ва ғайра истифода бурдаанд.
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
Кулли ахбор
Авторизуйтесь, пожалуйста