Прокуратураи вилояти Хатлон аз болои қарори суди вилоятӣ нисбат ба ҳафт шаҳрванди Тоҷикистон, ки ҷонибдорони полковники ошӯбгар Маҳмуд Худойбердиев эътироф шудаанд, шикояти кассатсионӣ бурд.
Ҳамаи ҳафт нафар – Раҷабалӣ Ғафуров, Шамсиддин Ғуломов, Икром Тӯрахонов, Саидқул Эшонқулов, Умаралӣ Қурбонзода, Ҳокимҷон Донаев ва Қудратулло Қодировро дар таърихи 1-уми сентябри соли равон суди вилояти Хатлон ҳар кадомеро ба муддати 16 соли зиндон маҳкум кард.
Ҳамаи гумонбаршудагон мутобиқи моддаҳои 185 қ. 1 (Ташкили гурӯҳи мусаллаҳи ғайриқонунӣ ё иштирок дар он), 186 қ. 2 (Бандитизм), 187 қ. 2 (Иштирок дар гурӯҳи ҷиноятпеша), 306 (Ғасби зӯроваронаи ҳокимият ё нигаҳдории зӯроваронаи ҳокимият) ва 313 (Ошӯби мусаллаҳона) гунаҳкор дониста шуданд.
Тавре ба ОИ «Азия-Плюс» сардори шӯъбаи назорати қонунияти содир намудани ҳукмҳои судии прокуратураи вилояти Хатлон Шоҳрух Раҷабов хабар дод, дар асоси моддаи 10-и Қонуни ҶТ «Дар бораи афв», суд мебоист мурофиаи судиро боздошт кард, судшавандагонро аз толори додгоҳ озод мекард.
Аммо суд моддаи дигари қонуни мазкурро нисбат ба судшавандагон ба эътибор гирифта, мӯҳлати ҷазои онҳоро ду сол кам кард.
Бино ба маълумоти пешакӣ, ҳамин ҳафта дар Суди олии ҶТ шикояти кассатсионӣ баррасӣ мешавад.
Қобили зикр аст, ки адвокатҳои маҳкумшудагон ба Суди олӣ шикояти кассатсионӣ фиристода, хешовандони онҳо ба президенти мамлакат, прокурори генералӣ ва палатаи поёнии парлумони кишвар нома ирсол кардаанд.
Ба гуфтаи адвокати яке аз маҳкумшудагон Абдураҳмон Тӯраев, хешовандону наздикони маҳкумшудагон аз дастгоҳи сарвари давлат аллакай ба номаашон посух гирифтаанд. «Аз посухҳои мақомоти дар боло зикршудаи ҳукуматӣ бармеояд, ки зерҳимояҳои моро озод хоҳнд кард», - гуфт Тӯраев.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста