Дар ҷараёни амалиёти навбатии кормандони Агентии назорати маводи нашъаовари назди президенти Тоҷикистон миқдори зиёди маводи мухаддир мусодира гардид.
Тавре аз Агентии мазкур иттилоъ доданд, ҳангоми баргузории амалиёт дар қаламрави ноҳияи Рӯдакӣ як сокини 41-солаи ноҳияи Панҷи вилояти Хатлон бо 22 кило маводи мухаддир мавриди боздошт қарор гирифт.
«Аз ин мард дар як борхалтаи варзишӣ 12 бастаи дорои маводи мухаддири растанинасаб ва хокамонанд бо бӯи махсус ошкор ва мусодира намуданд. Лабораторияи ташхиси судии Агентӣ муайян кард, ки маводи мусодирашуда дар маҷмӯъ 22 кило буда, беш аз 2 килои он героин ва ҳудудан 20 килои боқимондаро ҳашиш ташкил медиҳад. Бастаҳои пур аз героин дорои мӯҳр ва навиштаҷот бо хати арабиасос буданд», - гуфтанд дар агентӣ.
Зикр гардид, ки аз рӯи ин ҳодиса мутобиқи моддаи 200, қ. 4 Кодекси ҷиноии Ҷумҳурии Тоҷикистон (муомилоти ғайриқонунии воситаҳои нашъаовар ва ё моддаҳои психотропӣ бо мақсади фурӯш дар ҳаҷми ниҳоят калон) парвандаи ҷиноятӣ оғоз гардида, дастгиршуда ба тавқифгоҳи нигоҳдошти муваққатии Агентӣ ворид карда шуд.
«Тафтишоти пешакӣ мушаххас кард, ки марди гумонбар оиладор ва соҳиби се фарзанд буда, қаблан ба ҷавобгарии ҷиноӣ кашида нашуда будааст», - афзуд манбаъ.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Кулли ахбор
Авторизуйтесь, пожалуйста