Таҳти раёсати вазири корҳои дохилии Тоҷикистон генерал-лейтенанти милитсия Рамазон Раҳимов ҷаласа дар самти Бозрасии давлатии автомобилӣ ва Воҳиди махсуси ВКД Ҷумҳурии Тоҷикистон баргузор гардид.
Тавре аз Вазорати корҳои дохилии ҷумҳурӣ хабар доданд, дар рафти ҷаласа масъалаҳои муҳокима намудани натиҷаи санҷиши пурраи нозиротии фаъолияти оперативӣ-хизматии Воҳиди махсуси ВКД Ҷумҳурии Тоҷикистон оид ба таъмини бехатарии ҷамъиятӣ дар самтҳои ҳаракати Сарвари Давлат ва меҳмонони олиқадр ва натиҷаҳои фаъолияти хизматӣ ва интизоми иҷроия дар РБДА ВКД Ҷумҳурии Тоҷикистон ва ҷузъу томҳои он дар нимсолаи аввали соли 2012 мавриди муҳокима қарор гирифтанд.
Барои зоҳир намудани фориғболӣ дар иҷрои дастуру супоришҳои роҳбарияти Вазорат, дуруст ба роҳ намондани фаъолияти ситоди Воҳиди махсуси ВКД, интизоми пасти хизматии ҳайати шахсӣ ба муовини аввали сардори Воҳиди Махсус, полковники милитсия Раҳимов Маҳмадалӣ Қурбонович, ҷазои интизомии танбеҳ эълон карда шуд. Ҳамчунин барои натиҷаҳои ғайриқаноатбахши фаъолият муовини сардори Воҳиди махсуси ВКД полковники милиса Миралӣ Ҷалолов танбеҳ, сардори шуъбаи воҳиди мазкур подполковники милиса Саймуҳаммад Туманов ва командири баталйони Воҳиди махсус подполковники милитсия Азизулло Каримов танбеҳи қатъӣ гирифтанд.
Ҳамчунин ба командирони ротаи баталйони Воҳиди махсуси ВКД Алудин Насриддинов, Ҷӯрабек Кабиров ва Ҳасаналӣ Қурбонов низ танбеҳ эълон карда шуд.
Бино ба иттилои манбаъ, нисбат ба сардорони Шуъбаҳои БДА-и Раёсати ВКД дар вилояти Хатлон, шаҳрҳои Душанбе ва Турсунзода низ чораҳои интизомӣ андешида шуданд.
Дар ҳамин ҳол, дар рӯйхате шахсоне, ки мавриди ҷазои интизомӣ қарор гирифтанд, ному насаби худи сардори Воҳиди махсус генерал-майори милис Ҳабибулло Маҷидов ба чашм намерасад.
Аз Сайидиброҳим Раисӣ то Рамон дел Ферро. Президентҳое, ки дар садамаи ҳавоӣ ҷон бохтаанд
Рӯзи 3 юми июн сафкашии сайёраҳоро метавон мушоҳида кард. Ин чист ва онро чӣ гунаву дар куҷо метавон дид?
Размикорони тоҷики ММА Наимов ва Ғафуров 22 июн ба октагони UFC FIGHT NIGHT мебароянд
"Душман"-и Ғарбу ходими содиқи низом: Ҳусейн Амирабдуллоҳиён кӣ буд?
Стратегҳои тоҷик ҳарчи бештар истеҳсоли нони худиро тавсия медиҳанд
“Осори тир нест”. Мақомоти Эрон натиҷаи аввалияи таҳқиқи суқути чархболи Иброҳим Раисиро эълон кард
Вазорати дифоъ: Нақшаи даъвати ҳарбӣ 100 дарсад иҷро шуд
Чаро Самандар Муродов дар UFC муҳориба намекунад?
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Кулли ахбор
Авторизуйтесь, пожалуйста