Додистонии ноҳияи Мастчоҳ нисбати се даъватшаванда барои саркашӣ аз хидмати ҳарбӣ парвандаи ҷиноятӣ боз кардаааст ва тибқи қонунгузорӣ, онҳоро аз 34 ҳазор сомонӣ ҷарима то ду соли зиндон интизор аст. Дар ин бора ҳафтаномаи “Машъал”, нашрияи расмии ҳукумати ноҳияи Мастчоҳ хабар медиҳад.
Манбаъ аз ин се нафар ном набурдааст ва танҳо гуфтааст, ҳар се сокини ин ноҳия буда, моҳи марти соли равон, баъди гузаштан аз ташхиси тиббӣ ва гирифтани даъватнома барои хизмати ҳарбӣ, бе ягон асос, ба коммиссариати ҳарбӣ ҳозир нашуда, хидмати ҳарбӣ саркашӣ кардаанд.
Додситонии Мастчоҳ бар зидди онҳо барои саркашӣ аз хидмати ҳарбӣ ва алтернативӣ (моддаи 343, қисми 1 Кодекси ҷиноятии Ҷумҳурии Тоҷикистон) парвандаи ҷиноятӣ оғоз намудааст ва ҳоло он “дар тафтишоти пешакӣ қарор дорад”.
Назари ҷавононе, ки барои саркаши аз хидмати ҳарбӣ муттаҳам мешаванд, маълум нест.
Қаблан, онҳое, ки аз хидмати ҳарбӣ саркашӣ мекарданд, додгоҳ як ё ду сол шартан аз озодӣ маҳрум мекард ё онҳоро ҷарима менамуд.
Қаблан, Юсуф Раҳмон, додситони кулли Тоҷикистон хабар дода буд, ки соли 2022 барои саркашӣ аз хидмати ҳарбӣ 108 ҷавони синни даъватӣ ба ҷавобгарии ҷиноятӣ кашида шуданд. Ӯ мушаххас нагуфт, ки ин ҷавонон ҷарима гардидаанд ва ё аз озодӣ маҳрум шуданд.
Дар гузашта ҳам Додистонии кул аз ҳолатҳои алоҳидаи саркашии баъзе ҷавонон аз хидмати ҳарбӣ гузориш дода буд. Аз ҷумла, моҳи март хабар дод, ки Маъруф Ғоибзода, як ҷавони 19-сола аз ноҳияи Фархор, барои саркашӣ аз хидмати ҳарбӣ ба муҳлати 1 сол шартан аз озодӣ маҳрум шуд.
Мавсими даъвати баҳорӣ ба сафи артиш 1-уми апрел оғоз гардида, то 30-юми май давом мекунад. Имрӯз, 12-уми май, Вазорати дифоъ хабар дод, ки нақшаи даъват дар тамоми кишвар 76 дарсад иҷро шудааст.
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Кулли ахбор
Авторизуйтесь, пожалуйста