Дар чаҳорчӯби сафари кории Вазири корҳои хориҷии Ҷумҳурии Тоҷикистон Ҳамрохон Зарифӣ ба Истамбул мулоқоти ӯ бо Вазири корҳои хориҷии Ҷумҳурии Федеративии Олмон Гидо Вестервелле баргузор гардид.
Тавре аз департаменти иттилооти Вазорати корҳои хориҷии ҷумҳурӣ иттилоъ доданд, зимни вохӯрӣ вазъ ва дурнамои ҳамкории ду кишвар дар соҳаҳои гуногун мавриди муҳокима қарор гирифтанд. Ҷонибҳо ба ақидаи ягона омаданд, ки иқтидори мавҷуда барои ҳамкории миёни Тоҷикистон ва Олмон то охир истифода нашудааст, аз ин лиҳоз ҷаҳду талош баҳри ҳамкории бештар судманди миёни ду кишвар зарур аст.
Қайд карда шуд, ки барои такон бахшидан ба муносиботи дуҷониба дар оянда боздидҳои ҳайатҳо дар сатҳи баланд ба Тоҷикистон ва Олмон сурат хоҳанд гирифт.
Мусоҳибон ба ҳамкории ҳарду кишвар дар ҳошияи созмонҳо ва конфронсҳои байналмилалӣ оид ба Афғонистон таваҷҷӯҳи хосса зоҳир карданд.
Вазири корҳои хориҷии Тоҷикистон ба ҳамтои худ дар бораи омодагӣ ба Панҷумин Конфронси ҳамкории минтақавии иқтисодӣ оид ба Афғонистон (RECCA), ки моҳи марти соли 2012 дар Душанбе доир мешавад, маълумот дод.
Дар рафти сӯҳбат вазирони корҳои хориҷӣ масъалаҳои Конфронс оид ба Афғонистонро, ки баргузории он оғози моҳи декабри соли равон дар Бонн ба нақша гирифта шудааст, матраҳ намуданд. Дар ин робита, Вазир Ҳ. Зарифӣ дар навбати худ иштироки ҳайати Тоҷикистонро дар он чорабинии басо муҳим барои минтақа тасдиқ кард.
Гидо Вестервелле аҳамияти пайвастани Тоҷикистонро ба Созмони Умумиҷаҳонии Савдо таъкид сохта, ба ҳамсӯҳбати худ итминон дод, ки Олмон ба дохилшавии ҳарчи зудтари Ҷумҳурии Тоҷикистон ба СУС ҳаматарафа мусоидат хоҳад намуд.
Дар мулоқот ҳамчунин дурнамои татбиқи лоиҳаи “Шоҳроҳи Нави Абрешим” баррасӣ гардид.
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Кулли ахбор
Авторизуйтесь, пожалуйста