Дар сомонаи расмии Вазорати корҳои хориҷии Русия перомуни ҳукми содиршуда нисбат ба шаҳрванди Русия В. Садовничий шарҳу тафсир интишор гардид.
«Ҳукми содиршудаи додгоҳи шаҳри Қӯрғонтеппа нисбат ба шаҳрванди Русия В.В. Садовничий ва шаҳрванди Эстония А.С. Руденкоро, ки мутобиқи қарордод бо фирмаи амрикоии «Суприм Фуд» дар ҳавопаймоҳои ширкати «Ролкан» ба кашонидани борҳои ғайринизомӣ барои нерӯҳои эътилоф дар Афғонистон машғули кор буданд, басо сангин ва дорои ангезаи сиёсӣ мешуморем», - гуфта мешавад дар шарҳ.
Ҳамчунин зикр мегардад, ки ҷониби айбдоркунанда ҳеҷ як далели мӯътамади исботи айби онҳоро пешниҳод карда натавониста, хулосаи айбнома моҳиятан ба тахмину фарзияҳо асос ёфтааст.
«Тоҷикистон ошкоро меъёрҳои байнулмилалиро риоя накарда, ҳамчунин маълум нест, ки нисбат ба ҳавопаймоҳои боздоштшуда чӣ гуна амалеро пеш мегирад», - омадааст дар шарҳ.
Дар шарҳ ҳамчунин гуфта мешавад, чунин тасмим ба таҳкими муносибатҳои дӯстона ва шариконаи стратегии ду кишвар халали ҷиддӣ ворид месозад. «Ҳукумати Русия расонидани кумаки зарурӣ ба ҳамватанонро идома медиҳад», - зикр мегардад дар анҷом.
Ёдрас мекунем, ки додгоҳи Қӯрғонтеппа ду халабони ширкати «Ролкан Инвестмент ЛТД» - шаҳрванди Русия Владимир Садовничий ва шаҳрванди Эстония Алексей Руденкоро ба даҳуним соли зиндон маҳкум карда, бо истифода аз қонуни афви Тоҷикистон, мӯҳлати ҷазои онҳоро ду солӣ кам – то ҳаштунимсолӣ таъин кард.
Супоридани имтиҳони забони русӣ барои муҳоҷирон сангинтар мешавад аз забони русӣ барои муҳоҷирон дар Русия сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Кулли ахбор
Авторизуйтесь, пожалуйста