Ахири ҳафтаи гузашта Маҷмаи Умумии СММ қатъномаеро, ки «Татбиқи Соли байналмилалии ҳамкорӣ дар соҳаи об, 2013» унвон дорад, бо иттифоқи оро қабул кард. Он қатънома аз ҷониби ҳайати Тоҷикистон дар СММ дар чаҳорчӯби банди 20-уми рӯзномаи Маҷмаи Умумии СММ, ки «Рушди устувор» ном дорад, таҳия ва пешниҳод гардида буд.
Чунон ки маълум аст, соли оянда ҷомеаи байналмилалӣ, бино бар қатъномаи Маҷмаи Умумии СММ 65/154, ки муаллифи он низ кишвари мост, Соли байналмилалии ҳамкорӣ дар соҳаи обро қайд хоҳад намуд. Бори нахуст пешниҳод дар бораи эълон кардани Соли байналмилалии ҳамкорӣ дар соҳаи об дар суханронии Президенти Ҷумҳурии Тоҷикистон Эмомалӣ Раҳмон дар V Форуми ҷаҳонии об, ки дар Истанбул марти 2009 баргузор шуда буд, садо дода буд.
Ба рӯйхати бониёни қатъномаи мо ҳамагӣ 48 кишвар, ки қитъаҳои гуногуни ҷаҳонро намояндагӣ мекунанд, ҳамроҳ шуданд: Австралия, Арманистон, Афғонистон, Африкаи Ҷанубӣ, Баҳрайн, Бангладеш, Беларус, Бенин, Ветнам, Гайана, Гурҷистон, Ҷумҳурии Доминикан, Ироқ, Қазоқистон, Қирғизистон, Коста-Рика, Ҷумҳурии Корея, Кувайт, Люксембург, Маврикий, Марокаш, Маҷористон, Мексика, Молдова, Монтенегро, Муғулистон, Науру, Непал, Покистон, Папуа-Гвинеяи Нав, Федератсияи Русия, Сербия, Суринам, Таиланд, Тимор-Лешти, Туркманистон, Украина, Фиҷи, Финляндия, Ҳиндустон, Хитой, Ҳондурас, Шри-Ланка, Эритрея, Ҷумҳурии Исломии Эрон, Ямайка ва Япония.
Мувофиқи қатъномаи мо, соли 2013 ду ҳамоиши муҳимми зерин дар мавзӯи ҳамкорӣ дар соҳаи об: Муколамаи сатҳи баланди Маҷмаи Умумии СММ дар Ню-Йорк (22 март) ва Конфронси байналмилалии сатҳи баланд дар Душанбе (август) баргузор хоҳанд шуд.
Дар қатънома инчунин аз Дабири кулли СММ даъват ба амал омадааст, ки дар ҳамкорӣ бо ниҳоди «СММ-Об» ва дигар муассисаҳои дахлдори СММ ҷиҳати дар сатҳи ҷаҳонӣ татбиқ кардани Соли байналмилалии ҳамкорӣ дар соҳаи об мусоидат намояд.
Бо иттифоқи оро қабул гардидани қатънома боре дигар нишон дод, ки ташаббусҳои Тоҷикистон дар мавзӯи об аҳаммияти ҷаҳонӣ дошта, мавриди таваҷҷуҳ ва пуштибонии кишварҳои аъзои Созмони Милали Муттаҳид қарор доранд.
Аз Сайидиброҳим Раисӣ то Рамон дел Ферро. Президентҳое, ки дар садамаи ҳавоӣ ҷон бохтаанд
Рӯзи 3 юми июн сафкашии сайёраҳоро метавон мушоҳида кард. Ин чист ва онро чӣ гунаву дар куҷо метавон дид?
Размикорони тоҷики ММА Наимов ва Ғафуров 22 июн ба октагони UFC FIGHT NIGHT мебароянд
"Душман"-и Ғарбу ходими содиқи низом: Ҳусейн Амирабдуллоҳиён кӣ буд?
Стратегҳои тоҷик ҳарчи бештар истеҳсоли нони худиро тавсия медиҳанд
“Осори тир нест”. Мақомоти Эрон натиҷаи аввалияи таҳқиқи суқути чархболи Иброҳим Раисиро эълон кард
Вазорати дифоъ: Нақшаи даъвати ҳарбӣ 100 дарсад иҷро шуд
Чаро Самандар Муродов дар UFC муҳориба намекунад?
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Кулли ахбор
Авторизуйтесь, пожалуйста