Дар Созмони ҳамкории Шанхай (СҲШ) дар бораи гузаштан ба ҳисооббаробариҳо бо пулҳои миллӣ харитаи роҳ таҳия мешавад. Дар ин бора рӯзи душанбе дар шабакаи телевизиони “Беларус-1” муовини дабири кулли Созмон Григорий Логвинов хабар додааст.
“Харитаи роҳ ҷиҳати гузаштан ба ҳисоббаробариҳо бо асъори миллӣ мавриди таҳия қарор дорад. Ин кор осон нест, зеро мутаассифона, доллар ҳамчун асъори захиравии ҷаҳонӣ, аз ҷумла дар низомҳои миллии асъор низ хеле амиқ мавқеъ дорад”, - иброз доштааст вай.
Ба гуфтаи Логвинов, барои комилан даст кашидан аз доллар, "ҳанӯз анҷоми корҳои зиёд ва тай кардани роҳи хеле дуру дароз лозим аст".
“Дар робита ба ҷорӣ шудани кадом як асъори ягонаи СҲШ ҳоло сухан намеравад, алҳол чунин вазифа гузошта нашудааст. Оянда маълум мешавад”, - зикр кардааст муовини дабири кулли СҲШ.
Айни замон давлатҳои зерин узви СҲШ мебошанд: Ҳиндустон, Қазоқистон, Чин, Қирғизистон, Покистон, Русия, Тоҷикистон ва Ӯзбекистон. Эрон расмиёти узвият ба Созмонро анҷом медиҳад. Афғонистон ва Муғулистон мақоми нозирро дар Созмон доранд.
Дар нишасти Созмон моҳи сентябри соли 2022 дар Самарқанд механизами пайвастани Беларус ба СҲШ оғоз гардид, ки аз аз соли 2015 мақоми нозирро дорад. Озарбойҷон, Арманистон, Миср, Камбоҷа, Қатар, Непал, Арабистони Саудӣ, Туркия ва Шри-Ланка шарикони муколама мебошанд.
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
Кулли ахбор
Авторизуйтесь, пожалуйста