Душанбе. 7-уми феврал. ОИ «Азия-Плюс» - Сафари Президенти Тоҷикистон ба кишварҳои Аврупо пагоҳ бо боздиди давлатӣ аз Латвия шурӯъ мегардад.
Тавре роҳбари департаменти иттилооти Вазорати умури хориҷии ҷумҳурӣ Давлат Назриев ба ОИ «Азия-Плюс» хабар дод, дар ҷараёни сафар ба Латвия мулоқоти як ба яки сарони кишварҳо ва сипас гуфтушуниди ҳайатҳо дар доираи васеъ баргузор мешавад. Аз рӯи натиҷаҳои гуфтушунидҳо имзои як қатор асноди дуҷонибаи ҳамкорӣ пешбинӣ гардида, иштироки президенти Тоҷикистон Эмомалӣ Раҳмон ва президенти Латвия Валдис Затлер дар ҳамоиши тиҷоратии Тоҷикистону Латвия дар назар аст. Дар ҷараёни сафар Э.Раҳмон инчунин бо раиси Сейми Латвия низ мулоқот хоҳад кард.
Ба гуфтаи Д.Назриев, аз Латвия сарвари давлати Тоҷикистон бо боздиди расмӣ роҳ сӯи Белгия пеш хоҳад гирифт. Зимни боздид Эмомал
ӣ
Раҳмон бо Шоҳи Белгия Алберти II мулоқот намуда, дар ҳузури вакилони Парлумони Аврупо суханронӣ хоҳад намуд. Дар доираи сафар имзои созишномаи дуҷониба бо Бонки сармоягузории Аврупо дар назар буда, Эмомалӣ Раҳмон ҳамчунин дар маросими ифтитоҳи расмии бинои нави Сафорати То
ҷ
икистон дар Шоҳигарии Белгия ширкат хоҳад варзид.
«Шоми 11-уми феврал Э.Раҳмон аз Брюссел бо сафари расмӣ озими Литва хоҳад гашт ва дар ҷараёни сафар бо ҳамтои литвагии худ Валдас Адамкус мулоқот анҷом хоҳад дод», - гуфт Д.Назриев ва афзуд, ки аз рӯи гуфтушунидҳо ба имзо расидани як қатор асноди ҳамкорӣ дар назар аст. Дар доираи сафар ба Литва сарвари давлати Тоҷикистон бо раиси Сейми Литва низ мулоқот анҷом дода, дар шаҳри Каунас бо фаъолияти яке аз корхонаҳо аз наздик ошно хоҳад шуд.
Ба қавли Д.Назриев, 13-уми феврал Э.Раҳмон аз Литва бо сафари корӣ ба Эстония меравад. Дар Таллин сарвари давлат бо президенти Эстония Томас Хендрик Илвес ва дигар шахсони расмии ин кишвар дидору гуфтушунид анҷом хоҳад дод.
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Кулли ахбор
Авторизуйтесь, пожалуйста