Душанбе. 25-уми июл. ОИ «Азия-плюс» - Нимаи дуввуми дирӯз президенти Тоҷикистон Эмомалӣ Раҳмон ва Қирғизистон Қурмонбек Боқиев сӯҳбати телефонӣ анҷом доданд.

Сарвари давлати Тоҷикистон Қурмонбек Боқиевро ба муносибати пирӯзӣ дар интихоботи президенти Қирғизистон самимона табрику таҳният карда, ба ӯ дар фаъолияти минбаъдааш комёбиҳо орзу намуд.

Сарони кишварҳои Тоҷикистону Қирғизистон ҳамчунин масоили вазъи кунунӣ ва дурнамои рушди муносибатҳои ҳамкории судманди дуҷонибаро низ мавриди баррасӣ қарор доданд .

Дар ҷараёни сӯҳбат ҷонибҳо ҳамзамон атрофи масоили муҳими минтақавӣ ва байнулмилии мавриди таваҷҷӯҳи кишварҳо табодули афкор намуданд. Дар ин бора аз хадамоти матбуоти сарвари давлат иттилоъ доданд.