Президенти Тоҷикистон Эмомалӣ Раҳмон собиқ вазири мудофиаи Тоҷикистон Шералӣ Хайруллоевро ёвари худ оид ба масъалаҳои амнияти миллӣ таъин кард.
Тавре хадамоти матбуоти сарвари давлат иттилоъ медиҳад, имрӯз Эмомалӣ Раҳмон дар ин хусус фармони дахлдор ба имзо расонид.
Шералӣ Хайруллоев, ки муддати 18 сол ба ҳайси вазири мудофиаи Тоҷикистон ифои вазифа кард, моҳи ноябри соли гузашта аз мансаб сабукдӯш гардид. Ба ҷойи ӯ Шералӣ Мирзо, ки ахиран роҳбарии Сарраёсати нерӯҳои марзбонии КДАМ ҶТ-ро ба уҳда дошт, вазири нави мудофиаи ҷумҳурӣ таъин карда шуд.
Моҳи ноябри соли 2013 президент фармон дар бораи аз вазифа озод кардани Шералӣ Хайруллоевро ба имзо расонида, барои хизматҳои шоиста дар ин мансаб ба ӯ миннатдорӣ изҳор намуд.
Маълумотнома: Шералӣ Хайруллоев 8-уми ноябри соли 1949 дар ноҳияи Данғара таваллуд шудааст. Соли 1970 Донишгоҳи давлатии Тоҷикистон (феълан Донишгоҳи миллии Тоҷикистон)-ро бо ихтисоси иқтисодчӣ хатм кардааст.
Рутбаи ҳарбӣ: генерал-полковник.
Аз соли 1970 то соли 1977 дар мақомоти молиявии қисмҳои низомии Ҳавзаи ҳарбии Сибир, сипас ба ҳайси сардори хадамоти молиявӣ, хадамоти таъмини ғизо ва муовини фармондеҳи қисми низомии Артиши Шӯравӣ хизмат кардааст.
Солҳои 1977-1988 дар мақомоти раҳбарии низоми муассисаҳои ислоҳии Вазорати корҳои дохилии Тоҷикистон ифои вазифа намудааст.
Солҳои 1988-1995 муовини вазири корҳои дохилии Тоҷикистон.
Аз соли 1995 то моҳи ноябри соли 2013 – вазири мудофиаи Тоҷикистон.
Корманди шоистаи Тоҷикистон. Бо ордени Исмоили Сомонӣ дараҷаи 2 сарфароз гардонида шудааст.
Оиладор, соҳиби 3 фарзанд аст.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста