Дар Душанбе бо иштироки Эмомалӣ Раҳмон, Президенти Тоҷикистон, бинои нави Муассисаи давлатии таълимии «Коллеҷи тиббии ҷумҳуриявӣ» мавриди баҳрабардорӣ қарор дода шуд, ки дар Осиёи Марказӣ ҳамто надорад.
Бино ба иттилои хадамоти матбуоти сарвари давлат, бинои нави шашошёна дар кӯчаи Раҳмон Набиев, дар маркази Душанбе ҷойгир мебошад. Дар расми ифтитоҳ раиси пойтахт Рустами Эмомалӣ низ ширкат варзид.
Хабар дода мешавад, ки ҳоло Коллеҷи тиббии ҷумҳуриявӣ биноеро гирифтааст, ки тибқи тарҳи замонавӣ ва бо назардошти тамоми талаботи замон сохта шудааст, ки дар Осиёи Миёна ҳамто надорад. Сохтмон соли 2014 оғоз ёфт.
Дар бинои нав 28 кафедра, 146 синфхона ва 8 толори барҳавои лексионӣ мебошад, ки бо мизу курсӣ, аёниятҳои таълимӣ ва муосиртарин технология, аз қабили тахтаҳои электронӣ ва видеопроекторҳо муҷаҳҳаз мебошанд, ки барои таҳсили 3 ҳазору 500 нафар донишҷӯ дар як баст пешбинӣ шудааст.
Гуфта мешавад, ки дар муассисаи давлатии таълимии «Коллеҷи тиббии ҷумҳуриявӣ» аз рӯи 12 ихтисос, аз ҷумла кори табобатӣ, кори момодоягӣ, кори ҳамширагӣ, кори ҳамширагӣ дар косметология, кори дандонсозӣ, кори табобати дандон, кори тиббӣ-офиятӣ, кори фарматсевтӣ, корҳои тиббӣ-ташхисӣ, корҳои тиббӣ-профилактикӣ, истифодабарии техника ва таҷҳизоти тиббӣ, ташхис ва табобати нурӣ мутахассисон омода карда мешаванд.
Қобили зикр аст, ки Коллеҷи тиббии ҷумҳуриявӣ таърихи 85-сола дорад ва соли 1935 таъсис ёфта, айни замон дар он беш аз 7,5 ҳазор донишҷӯ таҳсил мекунад.
Сипас бо иштироки сарвари давлат ва раиси пойтахт дар кӯчаи Моёншо Назаршоеви ноҳияи Шоҳмансури шаҳри Душанбе бинои хуштарҳу замонавии Кӯдакистони Муассисаи давлатии таълимии “Мактаби байналмилалӣ дар шаҳри Душанбе” мавриди истифода қарор дода шуд.
Кӯдакистон аз 2 бинои 3 ошёна бо таҳхона барои 120 нафар иборат буда, дорои 6 синфхона ва як қатор ҳуҷраҳои дигари ёрирасон аст. Ҳамаи шаш синфхонаи кӯдакистон аз ҳуҷраи либосивазкунӣ, синфхона, хобгоҳ, ҷойи дастурӯйшӯӣ ва ҳуҷраи мураббӣ иборат буда, ҳар яки он дорои шароити мукаммали таълиму тарбия мебошад.
Дар ин даргоҳи маърифат барои ҷалби 40 кӯдак дар гурӯҳи калони томактабӣ, 40 нафар дар гурӯҳи миёнаи томактабӣ ва 40 нафар дар гурӯҳи хӯрд ба таълими ҳамаҷониба имкони пурра мавҷуд аст. Омӯзиш дар кӯдакистон бо забони англисӣ ба роҳ монда шуда, барои таълиму тарбияи насли наврас мураббияҳои соҳибтаҷрибаю донандагони хуби забони англисӣ ба кор ҷалб гардидаанд. Дар маҷмӯъ дар ин даргоҳи нави таълимӣ 33 нафар бо ҷойи кори доимӣ таъмин шудаанд.
Дар идома Эмомалӣ Раҳмон ва Рустами Эмомалӣ дар ноҳияи Шоҳмансури пойтахт сардхонаи ҶДММ “Маркази савдои деҳқон”-ро мавриди баҳрабардорӣ қарор дода, аз намоиши кишоварзӣ дидан намуданд.
Гуфта мешавад, дар сардхона имконият аст, ки 2000 тонна сабзавоту мева ва 1000 тонна дигар намуди маҳсулоти ғизоӣ, ки ниёз ба нигоҳубини хос доранд, захира карда шавад. Дар сардхона дастгоҳу таҷҳизоти зарурӣ, ки ҳарорати дохили иншоотро мутобиқ ба меъёр нигоҳ дошта, сифати хуби маҳсулотро таъмин менамояд, насб гардидааст.
Масоҳати умумии бино 3800 метри муррабаъро ташкил дода, дар он 25 нафар сокини маҳаллӣ соҳиби ҷойи кори доимӣ гардиданд. Сардхонаи нав дорои анборҳои алоҳидаи нигоҳдории молу маҳсулот буда, ҳамчунин дар он барои кашонидани бор шароити мусоид фароҳам оварда шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста