Барои фаъолияти Маҷлиси намояндагони Маҷлиси Олии Тоҷикистон дар соли 2024 27 млн 401 ҳазору 380 сомонӣ ҷудо гардидааст, ки назар ба соли гузашта 212 ҳазору 540 сомонӣ бештар аст. Дар ин бора Ҷамшед Муртазозода, раиси Кумитаи назорати дастур ва ташкили кори парлумони Тоҷикистон ба “Азия-Плюс” хабар дод.
Ба фарқ аз солҳои пешин, маблағи хароҷоти Маҷлиси намояндагон имсол дар ҷаласаи парлумон ифшо нашуд. Вакилони палатаи поёнии парлумон, рӯзи 22-юми декабри соли 2023 “сметаи ягонаи даромад ва хароҷот” барои соли 2024-ро тасдиқ карданд, вале буҷаи умумии онро нагуфтанд.
Ҷамшед Муртазозода имрӯз, 4-уми январ, дар суҳбат бо “Азия-Плюс” гуфт, 27,4 млн сомонӣ барои 343 нафар вакилону кормандони парлумон сарф мешавад:
63 нафар мансаби давлатии ҳокимияти давлатӣ (вакилон);
1 нафар мансаби давлатии хизмати давлатӣ;
117 нафар мансаби маъмурии хизмати давлатӣ;
162 нафар мансаби хизматчиёни гражданӣ (ҳайати техникӣ ва хизматрасонӣ).
Бояд гуфт, ки барои фаъолияти Маҷлиси намояндагон дар соли 2023 27 миллиону 188 ҳазору 840 сомонӣ ҷудо гардид. Он ҳам барои хароҷоти 343 нафар пешбинӣ шуда буд. Ин маблағ дар муқоиса бо буҷети соли 2022-и Маҷлиси намояндагон 6 млн сомонӣ бештар аст.
Парлумони Тоҷикистон ё Маҷлиси Олӣ аз ду палата - Маҷлиси миллӣ ва Маҷлиси намояндагон иборат аст. Соли равон барои фаъолияти Маҷлиси миллӣ, палатаи болои парлумони Тоҷикистон 5 миллион сомонӣ ҷудо шудааст.
Ба навиштаи “Садои мардум”, нашрияи расмии парлумони кишвар, аз 5 миллион сомонӣ:
- 2,3 миллион барои музди меҳнат ва андозҳо;
- 2,2 миллион барои хароҷоти мол ва хизматрасониҳо;
- 0,3 миллион барои кумакпулиҳои иҷтимоӣ;
- 0,2 миллион сомонӣ барои харидории мошин ва таҷҳизот пешбинӣ шудааст.
Ба фарқ аз Маҷлиси миллӣ, Маҷлиси намояндагон доимамалкунанда аст ва вакилони он аз давлат маош мегиранд. Ҳаҷми маоши онҳо маълум нест. Ба ғайр аз маош, барои вакилон хона ва мошини хизматӣ ҳам дода мешавад.
Қоҳир Расулзода бо рафти корҳои барқарорсозӣ дар ноҳияҳои Темурмалик ва Балҷувон шинос шуд
“Парвози ҳунар”. Таҷлили 70-солагии умр ва 50-соли фаъолияти эҷодии ҳунарпеша Бурхвалӣ Ғуломҳайдар
Дар роҳи “Душанбе-Чаноқ” ба равуои нақлиёти гаронвазн маҳдудият ҷорӣ шуд
Сафи муҳоҷирони корӣ аз Ӯзбекистон дар Русия сол то сол камтар мешавад
Даромади солона аз канали Қуштеппа дар Афғонистон 500 млн доллар арзёбӣ шуд
Дар роҳҳои Душанбе дурбинҳои худкор ва радарҳо фаъол мешаванд
«Салом, тобистон!»: чӣ гуна "Азия-Плюс" кӯдаконро шод кард
Нақлиёт ва корхонаҳо. Ҳавои Тоҷикистонро чӣ бештар аз ҳама ифлос мекунад?
Дар Душанбе 500 нафар дорои бемории катарактаро ройгон ҷарроҳӣ мекунанд
“Ғолибият – муъҷиза, мусовӣ - бо эҳтимоли кам”. Тоҷикистон то куҷо имкони ғалаба бар Урдунро дорад?
Кулли ахбор
Авторизуйтесь, пожалуйста