Шоми рӯзи якшанбе фармондеҳи нақлиётии ИМА генерал Уилям Фрейзер ба Душанбе ташриф овард.
Имрӯз ӯ бо фармондеҳи нерӯҳои марзбонии КДАМ ҶТ генерал-лейтенант Шералишо Мирзо мулоқот ороста, зимни суҳбат масоили ҳамкории ҷонибҳо дар таҳкими амнияти марзи Тоҷикистону Афғонистон баррасӣ шуданд.
Тавре ба ОИ «Азия-Плюс» сардори маркази матбуоти Сарраёсати нерӯҳои марзбонии КДАМ ҶТ Хушнуд Раҳматулллоев иттилоъ дод, Ш.Мирзо ба генерали амрикоӣ барои мусоидати кишвараш ба таъмини амният дар марзи Тоҷикистону Афғонистон изҳори миннатдорӣ намуд.
Ҷонибҳо ҳамчунин рушди минбаъдаи ҳамкориҳои низомӣ ва низомӣ-техникӣ ва омодасозии кадрҳо барои нерӯҳои марзбонии Тоҷикистонро таъкид намуданд.
Баъдтар фармондеҳи воломақоми амрикоӣ бо муовини аввали вазири мудофиаи ҷумҳурӣ, сардори Ситоди кулли Қувваҳои Мусаллаҳи Тоҷикистон генерал-лейтенант Рамил Нодиров дидору гуфтушунид кард.
Тавре ба ОИ «Азия-Плюс» аз Вазорати мудофиаи ҷумҳурӣ иттилоъ доданд, дар вохӯрӣ масоили вазъи минтақа, густариши ҳамкориҳо дар бахши таъмини амният дар минтақаи Осиёи Марказӣ ва ҳамчунин омодасозии кадрҳо барои Қувваҳои Мусаллаҳи Тоҷикистон матраҳ шуданд. Имрӯз генерали амрикоӣ Тоҷикистонро тарк мекунад.
Ёдрас мекунем, ки сафари кунунии У.Фрейзер ба Тоҷикистон сафари сеюми ӯ аст. Соли равон фармондеҳи нақлиётии ИМА моҳҳои феврал ва май аз Тоҷикистон боздид намуда буд.
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
Кулли ахбор
Авторизуйтесь, пожалуйста