Дар доираи Ташаббуси волоияти қонун барои Осиёи Марказӣ, ки аз тарафи Иттиҳоди Аврупо (ИА) ташкил шуда, бо роҳбарии Фаронса ва Олмон, ки тибқи лоиҳаи Иттиҳоди Аврупо “Платформаи волоияти қонун – Осиёи Марказӣ” амалӣ мегардад, машғулияти таълимиро оиди баланд бардоштани тахассуси судиҷрочиён, дар санаи 11-15 ноябри соли 2013 дар ш. Душанбе, баргузор менамоянд.
Тавре аз намояндагии ИА дар ҶТ хабар доданд, машғулияти мазкур дар ҳамкорӣ бо Маркази таълимии судяҳо дар назди Шӯрои адлия ва Раёсати ташкили фаъолияти судиҷрочиён дар Вазорати адлияи Тоҷикистон ташкил карда шудааст.
Мақсади чорабинӣ аз омӯзонидани судиҷрочиёни тамоми манотиқи Тоҷикистон доир ба принсипҳои байналхалқӣ, ки ташкили ихтисоси мазкурро муайян мекунанд, ҷараёни истеҳсолоти ичроия ва инчунин механизмҳои иҷроиши маҷбурӣ нисбати парвандаҳо оиди рӯёнидани нақдӣ ва ғайринақдӣ, дар асоси дастурҳои Комиссияи аврупо оид ба муфиднокии адолати судӣ, иборат мебошад.
Дар қарори Суди аврупоӣ оид ба ҳуқуқи инсон гуфта мешавад: “Иҷрои қарорҳои суд дар мӯҳлатҳои лозима бояд қисми ҷудонашавандаи ҳуқуқ барои баррасии адолатноки судӣ гардад, зеро ҳуқуқи дастрасӣ ба суд ғайривоқеӣ (гумроҳкунанда) мегардид, агар қарори ҳатмии суд бар хилофи яке аз тарафҳо беамал боқӣ монад”.
Машғулияти таълимӣ оиди баланд бардоштани тахассуси иҷрочиёни судӣ барои татбиқ намудани тавсияҳои семинари минтақавӣ оиди “Ташаккули системаи адолати судӣ” (ш.Брюссел, 12-13 ноябри соли 2012) ва инчунин принсипҳое, ки дар Конфронси Сеюми Вазирони адлияи мамлакатҳои Осиёи Марказӣ ва Иттиҳоди Аврупо (ш.Брюссел, 6-7 декабри соли 2012) ҷонибдорӣ шудаанд, ташкил карда мешавад.
«Ташаббуси волоияти қонуни ИА барои Осиёи Марказӣ», ҳамчун ҷузъи муҳими Дурнамои ИА барои ҳамкории нав бо Осиёи Марказӣ буда, бо мақсади мусоидат намудан ба ислоҳоти ҳуқуқӣ дар Осиёи Марказӣ ва муаррифии таҷрибаи Иттиҳоди Аврупо барои мустаҳкам намудани ҳамкорӣ дар соҳаи волоияти қонун сохтори минтақавии ҳамаҷонибаро ташкил мекунад. Дар доираи Ташаббуси волоияти қонун лоиҳаи «Платформаи волоияти қонун » нақши механизми ёридиҳандаи рушди муколамаи дурнамо ва пешбарии чораҳои зарурии ислҳоти ҳуқуқиро дар ҳар як кишвари Осиёи Марказӣ мебозад.
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Кулли ахбор
Авторизуйтесь, пожалуйста