Баъди наздик ба як моҳи ҷароҳат бардоштан аз тири неруҳои Қирғизистон ва паси сар кардани чанд амалиёти ҷарроҳӣ вазъи саломатии Искандар Шафеъиён, корманди ҳукумати Исфара рӯ ба беҳбуд овардааст. Субҳи 23-уми феврал аз Беморхонаи марказии шаҳри Исфара гуфтанд, ки Шафеъиён ба ҳуш омада, гап мезанад ва ҳамсуҳбаташро мешиносад.
Искандар Шафеъиён, мудири шуъбаи ташкилӣ ҳамроҳ боНекзод Хоҷазода, масъули комиссияи ҳифзи ҳуқуқи кӯдак ва Абдулатиф Шарипоф, ронандаи беморхонаи марказии шаҳри Исфара, шаби 27-уми январ дар дохили мошини “Ёрии таъҷилӣ” ҳадафи тирборони нерӯҳои қирғиз қарор гирифтанд. Ронанда дар ҷойи ҳодиса, дар деҳаи Хоҷаи Аълои ҷамоати Чоркӯҳ ба ҳолокат расид ва ду корманди ҳукумати Исфараро бо бардошти ҷароҳати вазнин дар беморхона бистарӣ карданд.
Тайибиддин Мухаммедов, сардухтури Беморхонаи шаҳри Исфара субҳи 23-уми феврал дар суҳбат ба “Азия-Плюс” гуфт, бо гузашти 24-рӯзи беҳушӣ Искандар Шафеъиён ба ҳуш омад. Вай гуфт, ин корманди ҳукумати Исфара ду амалиёти ҷарроҳиро паси сар кард ва ҳоло вазъи саломатияш рӯ ба беҳбуд аст. Амалиёти ҷарроҳӣ асосан дар қисмати шикам ё худ узвҳои ҳозима гузаронида шудааст.
“Вазъи саломатияшон хело хуб, баъди 24 рӯзи ҳолати беҳушӣ ба худ омаданд. Ба саволҳо ҷавоб медиҳанд, гуфтугузор мекунанд хӯрок мехӯранд ҳамаро мешиносанд. Ҳолаташон дуруст шуда истодааст”.-гуфт, сардухтури Беморхонаи шаҳри Исфара.
Сардори Раёсати тандурустии вилояти Суғд Ҳабибулло Муҳиддинов рӯзи 21-уми феврал зимни нишасти хабарӣ гуфта буд, ки вазъи саломатии Искандар Шафеъиён вазнин боқӣ мемонад ва зери назорати доимии духтурони ботаҷриба қарор дорад.
Вай гуфт, дар ҷисми ӯ ду амалиёти ҷарроҳии муштарак, ки аз зарби тир ҷароҳати вазнин бардошта буд гузаронида шуд. Ҳаббибулло Муҳиддинов афзуд, нияд доранд дар сурати беҳтар шудани вазъи саломатӣ Шафеъиёнро барои идомаи табобат ба беморхонаи шаҳри Хуҷанд интиқол диҳанд.
Яке аз пайвандони Искандар Шафеъиён бидуни зикри ном дар суҳбат ба “Азия-Плюс” гуфт, вазъи ӯ беҳтар шудааст ва ҳамаи кӯмакҳои вобаста ба табобаташро аз мақомоту духтурон дарёфт карда истодаанд. Вай гуфт, худи Баҳоваддин Баҳодурзода, раиси шаҳри Исфара назорати табобати ин корманди зери дасташро дар ихтиёр дорад.
Дар натиҷаи даргириҳои хунини шаби 27-уми январ дар марзи Исфара бо Қирғизистон аз ҷониби Тоҷикистон 10 тан захмӣ ва 2 кас кушта шуд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста