Ҳайатҳои Тоҷикистону Қирғизистон дар шаҳри Гулистони вилояти Суғд мулоқот карда, масоили вобаста ба марзро баррасӣ кардаанд.
АМИТ “Ховар” бо истинод ба Хадамоти матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад, ки 15-уми апрели соли равон дар шаҳри Гулистон ҷаласаи гурӯҳҳои кории Тоҷикистон ва Қирғизистон оид ба татбиқи Протоколи №42 аз 25-уми сентябри соли 2022 баргузор гардид.
Зимни мулоқот, ки дар он Раҷабалӣ Раҳмоналӣ, фармондеҳи Қӯшунҳои сарҳадии КДАМ-и Тоҷикистон ва Уларбек Шаршеев, директори Хадамоти сарҳадии КДАМ-и Қирғизистон, Раҷаббой Аҳмадзода, раиси вилояти Суғд, Абдикарим Алимбоев, намояндаи ваколатдори президенти Қирғизистон дар вилояти Бодканд ва роҳбарони сохторҳои қудратӣ иштирок доштанд, масъалаҳои иҷрои Протоколи №42 дар бораи ба эътидол овардани вазъ дар манотиқи наздимарзии ду кишвар инчунин масъалаҳои ҳамоҳангсозии фаъолияти муштарак дар соҳаи ҳифзи сарҳади муштарак баррасӣ шудаанд.
Аммо муҳтавои Протоколи №42 зикр намешавад. Танҳо таъкид мегардад, ки мулоқот дар вазъияти ошкоро ва дӯстона баргузор шудааст.
Зикр мегардад, ки зимни вохӯрӣ ҷонибҳо тамоюли фаъоли рушди ҳамкориҳо миёни ду кишварро дар таъмини амнияти сарҳадӣ ва муколамаи дуҷониб, қайд кардаанд.
Изҳори боварӣ карда шудааст, ки ҳамкориҳои созанда ва судманди Тоҷикистон ва Қирғизистон ба манфиатҳои дарозмуддати халқҳои ду давлат ҷавобгӯ буда, инчунин омили асосии таъмини сулҳу субот ва амнияти ду кишвар мебошад.
Ҷонибҳо ҳамчунин доир ба иҷрои протоколҳои мулоқотҳои кории раҳбарони ниҳодҳои марзбонӣ табодули афкор намуда, тааҳҳудоти худро ҷиҳати ноил шудан ба пешрафт дар татбиқи тавофуқоти ҳосилшуда тасдиқ намуданд.
Дар ҷамъбасти мулоқот ҷонибҳо Протоколи дахлдорро ба имзо расониданд.
Бояд гуфт, ки Тоҷикистону Қирғизистон дар масъалаи муайяну аломатгузории хати сарҳад баҳс доранд ва ин дар марҳилаҳои гуногун боиси даргириҳо ва талафот аз ҳарду ҷониб шудааст. Аммо вақтҳои ҳайатҳои кории ҳарду кишвар пайваста мулоқотҳо мекунанд ва дар мавриди ҳалли баҳс аз пешрафтҳо ҳарф мезананд, лекин созишномаи ниҳоӣ то ҳол имзо нашудааст.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста