Дар яке аз роҳҳои мошингарди шаҳри Душанбе сардабири ҳафтавори «Фараж» Хуршеди Атовулло (Ниёзов) мавриди латукӯби афроди номаълум қарор гирифт.
Дар мусоҳиба ба хабарнигори ОИ «Азия-Плюс» ҷабрдида Х. Атовулло дар робита ба ин қазия изҳор кард, ки ҳангоми ҳаракат ба самти микрорайони 102-юм ҳамроҳи ду нафар дӯсташ як автомашинаи тамғаи «ВАЗ-06»-и рангаш сафед ӯро думболагирӣ карда, дар маҳаллаи Зарафшон роҳи ҳаракати мошини онҳоро бастааст. Сипас аз дохили мошин се нафари мусаллаҳ бо дубинкаҳо ва чаҳор нафари дар роҳ аллакай онҳоро мунтазирбуда ӯ ва ҳамроҳоашро мавриди латукӯб қарор додаанд.
Сардабири ҳафтавори «Фараж» мегӯяд, ҳамаи онҳо ҷавон буданд ва мутмаин аст, ки ин амал қаблан тарҳрезишуда аст, зеро ин автомашина онҳоро аз худи манзили зист думболагирӣ дошт.
Дар ҳамин ҳол, журналист наметавонад тахмин бикунад, чӣ сабабе ба латукӯби ӯ боис шудааст. Ҷабрдидагон рақами автомашинаро дар хотир нигаҳ доштаанд. Ин маълуот хамроҳ бо ариза ба ШКД-и ноҳияи Сино супурда шудааст, вале Х. Атовулло мегӯяд, дар он ҷо ба ин ҳодиса он қадр таваҷҷӯҳе ҳам накардаанд.
«Ман ба онҳо рақами автомашинаро, ки тавассути он метавон дарҳол соҳиби онро муайян кард, пешниҳод кардам, вале ба ман гуфтанд, ки фардо ба ин кор машғул хоҳанд шуд», - гуфт ӯ.
Ҳангоми сӯҳбат бо хабарнигор Х. Атовулло дар Маркази тиббии Қарияи Боло қарор дошт. Бар асари латукӯб журналист аз дасту пояш ҷароҳат бардоштааст.
Хабарнигорони ОИ «Азия-Плюс» кӯшиш карданд, ки бо корманди ШКД-и ноҳияи Синои пойтахт Фарҳод Ҳайдаров, ки ба баррасии аризаи Х. Атовулло машгул аст, дар тамос бишаванд, аммо муфаттиш дар ҷойи кориаш ҳозир набуд.
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Кулли ахбор
Авторизуйтесь, пожалуйста