Соли равон ба воҳидҳои Вазорати мелиоратсия ва захираҳои об дар гурӯҳи ноҳияҳои минтақаи Кӯлоб дар маҷмӯъ ба маблағи 2 млн. 270 ҳазор сомонӣ нерӯи барқ интиқол дода шуд .
Тавре ба ОИ «Азия-Плюс» директори идораи минтақавии шабакаҳои барқи Кӯлоб Мирзо Исмоилов хабар дод, воҳидҳои вазорати мазкур аз ин миқдор ҳамагӣ 11% ё худ 255 ҳаазор сомонӣ маблағи истифодаи нерӯи барқро пардохт кардаанду халос.
Дар ҳамин ҳол, як манбаъ аз маъмурияти вилоят хабар дод, ки ҳанӯз моҳи август оид ба масъалаи пардохти маблағи барқ аз ҷониби ин воҳидҳо реҷа тартиб дода шуда, онро раиси вилояти Хатлон шахсан ба имзо расонида буд.
Аммо назорати шахсии роҳбари вилоят натиҷаи дилхоҳе надод – аз ноҳияи Восеъ - 159, Фархор – 70, Мӯъминобод – 15,5 ҳазор сомонӣ ва ноҳияҳои Ҳамадониву Ховалинг ҳамагӣ 5 ҳазор сомонӣ маблағ дастрас гардид.
Ба гуфтаи Исмоилов, воҳидҳои Вазорати мелиоратсия ва захираҳои об ҳатто маблағҳоеро, ки тавассути Суди иқтисодӣ ба фоидаи энергетикҳо рӯёнида шуданд, пардохт намекунанд. «Соли сеюм аст, ки 5 млн. сомонии тавассути суд рӯёнидашударо гирифта наметавонем», - гуфт вай ва афзуд, ки қарзи умумии ин воҳидҳо бо назардошти боқимондаҳои соли гузашта аллакай 12 млн. сомониро ташкил медиҳад.
Як манбаъ аз хадамоти иҷрочиёни судӣ дар сӯҳбат бо хабарнигори ОИ «Азия-Плюс» дар робита ба ин масъала иброз дошт, ки воҳидҳои Вазорати мелиоратсия аз вазъи имтиёзнок бархӯрдоранд. «Ҳабси амволи онҳо барои қарз ва ҳатто пардохт накардани андоз ба буҷети ҷумҳурӣ манъ аст, - мегӯяд ӯ. – Бо қарори махсуси ҳукумат онҳо барои истифодаи барқ маблағи ночизе – 1,5 дирам барои 1 кВт/соат пардохт мекунанд, дар мавсими обёрӣ бошад, аз долонҳои ҳукуматӣ супорише содир мегардад, ки дар он энергетикҳо ба таври ихтиёриву маҷбурӣ муваззаф мешаванд, ки ба пойгоҳҳои обкашии мошинӣ нерӯи барқ интиқол диҳанд».
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
Кулли ахбор
Авторизуйтесь, пожалуйста