Соли равон зойирини тоҷик барои адои маросими ҳаҷ 3 ҳазору 629 доллари ИМА (17 ҳазору 600 сомонӣ) маблағ пардохт мекунанд, ки нисбат ба соли гузашта 180 доллари ИМА зиёдтар аст. Маблағ танҳо бо асъори миллӣ пардохт мегардад.
Тавре ба islamnews.tj аз Кумитаи умури дини назди ҳукумати ҶТ хабар доданд, арзиши сафари ҳаҷ ба иллати афзоиши нархи билети ҳавопаймо боло рафтааст. Бо ин маблағ зоирини Хонаи Худо тавассути ҳавопаймо ба макони муқаддаси мусалмонон расонида шуда, бо меҳмонхона дар Маккаву Мадина, хӯроки севақта, кӯмаки тиббӣ, сарулибоси маъмулӣ, чорво барои қурбонӣ кардан, ҷомадон ва дигар хизматгузориҳои зарурӣ таъмин карда мешаванд.
Ба иттилои манбаъ, бақайдгирии хоҳишмандони зиёрати Хонаи Худо дар кумита санаи 1-уми май оғоз гардида, то ахири моҳ идома меёбад. Парвози ҳавопаймоҳо ба Ҷидда аз ҷониби ширкатҳои ҳавопаймоии «Сомон Эйр» ва «Тоҷик Эйр» анҷом дода мешавад.
Айни замон Кумитаи умури дин ба интихоби роҳбаладони гурӯҳҳо оғоз кардааст. Ҳар кадоме аз гурӯҳи зойирин аз 48 нафар иборат хоҳад буд. Кумита ният дорад, ки 125 нафар роҳбаладонро интихоб намояд. Маблағи сафари роҳбаладон аз ҷониби Кумитаи умури дин пардохт мешавад.
Соли равон Вазорати умури ҳаҷҷи Арабистони Саудӣ барои адои маросими ҳаҷ ба Тоҷикистон ба ивази 5,5 ҳазор квотаи соли гузашта 6 ҳазор квота ҷудо кард.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста