Дар нишасти хабарӣ бахшида ба Рӯзи ҷаҳонии нуфус муовини вазири рушди иқтисод ва савдои Тоҷикистон Ҳамидуллохон Фақеров изҳор кард, ки ахири соли равон аз таваллуди шаҳрванди 8-млн. нафараи Тоҷикистон интизорӣ меравад.
Нишасти хабарии мазкур аз ҷониби UNFPA (Бунёди СММ оид ба нуфус) созмон дода шуда, дар он ҳамоҳангсози доимии СММ дар ҶТ, намояндаи доимии Барномаи рушди СММ дар ҶТ ва намояндаи UNFPA дар Тоҷикистон Александр Зуев, намояндагони Агентии омор, Вазорати тандурустӣ ва дигар муассисаву ташкилотҳо иштирок карданд.
Ба гуфтаи Фақеров, шаҳрванди 8-млн. нафараи Тоҷикистон ахири соли равон ё дар семоҳаи аввали соли 2013 ба дунё меояд. «Вазъи солимии ҷомеа, банақшагирии оила ва ғайра бештар ба вазъи иқтисод вобаста буда, дар ҷумҳурӣ айни замон амалисозии Стратегияи коҳиши сатҳи камбизоатӣ ба итмом мерасад», - гуфт ӯ.
Ба қавли муовини вазир, аз рӯйи натоиҷи амалисозии стратегияи мазкур феълан сатҳи камбизоатӣ аз 80%-и солҳои пешин то ба 41% поин оварда шуд ва ин тамоили коҳиш идома дорад.
Номбурда гуфт, айни замон дар Тоҷикистон бо дастгирии Барномаи рушди СММ таҳияи стратегияи нав оид ба беҳбуди сатҳи некӯаҳволии мардум оғоз гардид. «Вазъи зиндагии ҳар як узви ҷомеа, оилаи ӯ, сатҳи дастрасӣ ба неъматҳои моддӣ ва дигар имтиёзҳо, пеш аз ҳама таъмини дастрасӣ ба кӯмаки тиббӣ аз ҷумлаи ҷанбаҳои асосии стратегияи нав маҳсуб меёбанд», - таъкид кард Фақеров.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста