Пагоҳ, рӯзи шанбе мақомоти шаҳрдории пойтахт ба корҳои гузоштани арчаи солинавӣ дар майдони асосии шаҳр – Дӯстӣ оғоз мекунанд.
Тавре ба ОИ «Азия-Плюс» як манбаъ аз мақомоти шаҳрдории пойтахт хабар дод, баландии арчаи солинавӣ 25 метрро ташкил дода, он бо бозичаву дигар лавозимоти зебу зинати солинавӣ оро дода мешавад.
«Корҳои гузоштан ва ороиши арчаи солинавӣ ду рӯз идома ёфта, аллакай рӯзи 24-уми декабр арчаи солинавӣ бо шукӯҳи шаҳоматаш сокинону меҳмонони пойтахтро истиқбол хоҳад намуд», - гуфт сарчашмаи хабар.
Ёдрас мекунем, ки зимни суханронӣ дар иҷлосияи навбатии палатаи болоии парлумони кишвар раиси Маҷлиси миллии Маҷлиси Олии ҶТ Маҳмадсаид Убайдуллоев изҳор кард, ки дар пойтахт ҷашни Соли нав мисли солҳои пешин бо шукӯҳу шаҳомат таҷлил хоҳад шуд.
Ӯ зикр намуд, ки мисли солҳои пешин дар майдони асосии пойтахт арчаи солинавӣ гузошта шуда, шаби 1-уми январ чорабинии идона доир мегардад. «Дар бинои сирки пойтахт барои кӯдакон чорабинии солинавӣ ташкил карда мешавад», - гуфт вай.
«Бо номбар кардани Соли нав ҳамчун ҷашни христианӣ сардабири торнамои Ҳизби наҳзати исломии Тоҷикистон тамоман аз таърихи пайдоиши ин ҷашн огаҳ набуданашро нишон дод», - гуфт ӯ.
Дар ҳамин ҳол, ӯ хотирнишон сохт, ки ҷашни Соли нав ба рӯзи мавлуди пайғамбар Исо ҳеҷ муносибате надошта, аз замони тақвими григорӣ оғоз шудааст.
Дар идома Убайдуллоев таъкид кард, ки мувофиқи қонунгузории Тоҷикистон, Соли нав иди расмӣ буда, дар тақвим бо хати сурх дарҷ ёфтааст.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста