Хадамоти алоқаи назди ҳукумати ҶТ супориши худ дар бораи қатъ кардани дастрасӣ ба 130 сомона аз 21-уми декабрро бекор намуд.
Ба қавли раиси Ассосиатсияи ширкатҳои фароҳамсози Интернети Тоҷикистон Асомидин Атоев, рӯзи сешанбе ширкатҳо супориши барқарор кардани дастрасӣ ба сомонаҳоро гирифтаанд.
«Чунин ба назар мерасад, ки хадамоти алоқа корҳои таъмиру фанниро, ки қаблан мақомоти раҳбариаш ба унвони сабаб изҳор карда буд, ба итмом расонидааст», - гуфт ӯ.
Ёдрас мекунем, ки мактуб ба ширкатҳои фароҳамсози Интернет аз ҷониби муовини сардори Хадамоти алоқа Рустам Шокиров ба имзо расида, сабабҳои қатъи дастрасӣ маҳз корҳои таъмиру фаннӣ унвон шуда буд.
Мактуб дар бораи қатъи дастрасӣ ба смонаҳоро Хадамоти алоқа ҳанӯз шоми рӯзи 21-уми декабр фиристода буд. Ахири ҳафтаи сипаришуда ВАО-и Русия иттилоъ доданд, ки шоми рӯзи ҷумъа Хадамоти алоқаи назди ҳукумати ҶТ ба ширкатҳои фароҳамсози Интернет нома фиристода, дастур додааст, ки дастрасӣ ба 131 сомона қатъ карда шавад. Намояндаи яке аз ин ширкатҳо ба хабаргузории «Интерфакс» изҳор намудааст, ки рӯйхати сомонаҳо хеле бузург буда, сабаби қатъи дастрасӣ шарҳ дода намешавад.
Қобили зикр аст, ки рӯзи шанбе чанде аз ширкатҳои фароҳамсози интернет мувофиқи супориши Хадамоти алоқа аллакай дастрасӣ ба шабакаҳои иҷтимоӣ аз қабили «Вконтакте», сомонаҳои torrents.tj ва topvideo.tj-р қатъ карданд.
Рӯзи сешанбе рӯйхати пурраи сомонаҳои ба қатъи дастрасӣ аз ҷониби Хадамоти алоқаи назди ҳукумати ҶТ ба ширкатҳои фароҳамсози интернет тавсияшуда ба дасти ОИ «Азия-Плюс» расид. Ҳамин тариқ, мутобиқи рӯйхат, ҳудуди 80%-и онҳо сомонаҳои мусиқӣ мебошанд. Ҳамчунин торнамоҳои зиёде низ мавҷуданд, ки корбарони шабакаи Интернети Тоҷикистон аз мавҷудияти онҳо ҳатто огаҳие ҳам надоранд. Ғайр аз ин, дар рӯйхат торнамоҳои фаҳш (порнография) низ ҳастанд.
Аз Сайидиброҳим Раисӣ то Рамон дел Ферро. Президентҳое, ки дар садамаи ҳавоӣ ҷон бохтаанд
Рӯзи 3 юми июн сафкашии сайёраҳоро метавон мушоҳида кард. Ин чист ва онро чӣ гунаву дар куҷо метавон дид?
Размикорони тоҷики ММА Наимов ва Ғафуров 22 июн ба октагони UFC FIGHT NIGHT мебароянд
"Душман"-и Ғарбу ходими содиқи низом: Ҳусейн Амирабдуллоҳиён кӣ буд?
Стратегҳои тоҷик ҳарчи бештар истеҳсоли нони худиро тавсия медиҳанд
“Осори тир нест”. Мақомоти Эрон натиҷаи аввалияи таҳқиқи суқути чархболи Иброҳим Раисиро эълон кард
Вазорати дифоъ: Нақшаи даъвати ҳарбӣ 100 дарсад иҷро шуд
Чаро Самандар Муродов дар UFC муҳориба намекунад?
Таваллуди зиёд – баҳонае барои рӯйпӯш кардани мушкил? Чаро дар Суғд нақшаи бунёди кӯдакистон иҷро нашуд?
Пешниҳоди Рустами Эмомалӣ. Аввалин Рӯзи ҷаҳонии футбол дар Тоҷикистон чӣ гуна баргузор мешавад?
Кулли ахбор
Авторизуйтесь, пожалуйста