Тибқи натоиҷи назарсанҷии Маркази таҳқиқоти иҷтимоӣ (МТИ)-и «Зеркало» миёни аҳолӣ ва коршиносон, ҳафтавори иҷтимоиву сиёсии «Азия-Плюс» нашрияи писандидатарини соли 2013 ва Олга Тутубалина хабарнигори беҳтарин сол дониста шуданд.
Коршиносони пурсидашуда аз зумраи сардабирони васоити хабори умуми муваффақ, таҳлилгарон ва намояндагони ташкилотҳои ҷамъиятӣ нашрияи «Азия-Плюс»-ро ҳафтавори беҳтарини сол интихоб намуданд.
Имрӯз зимни муаррифии натиҷаҳои назарсанҷӣ дар Иттиҳоди журналистони Тоҷикистон намояндагони МТИ «Зеркало» изҳор намуданд, ки тибқи натиҷаҳои назарсанҷӣ миёни хонандагону шунавандагон, хабаргузории «Озодагон» - бозёфти сол, радиои «Ватан» - беҳтарин шабакаи радио, нашрияи «Оила» - ҳафтавори дӯстдоштатарин ва «Рекламная газета» - нашрияи муфидтарин эътироф гардиданд.
Роҳбари МТИ «Зеркало» Қаҳрамон Бақозода ва раиси Иттиҳоди журналистони Тоҷикистон Акбаралӣ Сатторов ба ғолибон диплому туҳфаҳои хотиравӣ тақдим карданд.
Зимни тақдими ҷоизаҳо роҳбари МТИ «Зеркало» зикр кард, ки «ҳадафи аслии баргузории назарсанҷӣ саҳм гирифтан ба роҳандозии ҳадди ақал як падидаи мусбатест, зеро ВАО дар ҷомеаи мо нақши муҳим доранд».
Қобили зикр аст, ки назарсанҷӣ миёни паҳнкунандагони нашрияҳо, хонандагон, шунавандагони радио ва коршиносон – 30 нафар сардабирони ВАО-и муваффақи кишвар гузаронида шуд. Андешаи 580 нафар тариқи телефон дастрас карда шуд.
Маркази таҳқиқоти иҷтимоии «Зеркало» муддати 10 сол фаъолият дошта, дар ин давра ҳудуди 100 лоиҳаи гуногунмиқёсро бо истифода аз методҳои гуногуни таҳқиқот анҷом додааст.
Кишти баҳорӣ дар Тоҷикистон дар арафаи анҷомёбист, вале камобӣ эҳсос мешавад
Дар семоҳаи аввали соли 2024 чӣ қадар тоҷикистониён ба Русия рафтаанд?
Тоҷикистон то охири ҳамин моҳ ба ҳалқаи ягонаи энергетикии Осиёи Марказӣ бармегардад
Афғонистон аз ҳуқуқи овоздиҳӣ дар СММ барои пардохт накардани аъзоҳаққӣ маҳрум шуд
Вазири корҳои дохилии Русия: “Муҳоҷирон ҳамагӣ ба 4%-и ҷиноятҳо даст доранд”
Дар Тоҷикистон кӯдакон дигар идгардак намекунанд
Кӣ ва чӣ тавр ба тоҷикон дар Русия кӯмак мекунад?
КҲФ боз аз хатари омадани селҳо огоҳ кард
Нақшаи даъвати ҳарбӣ дар Хатлон 100% иҷро шуд
Вазорати меҳнат: Барои кор дар Британия ба ширкатҳои иҷозанадошта муроҷиат накунед!
Кулли ахбор
Авторизуйтесь, пожалуйста