Кумитаи Байналмилалии Салиби Сурх (КБСС) дар ҳамкорӣ бо Вазорати тандурустӣ ва ҳифзи иҷтимоъии Тоҷикистон як давраи омӯзишии муштарак барои пизишкони кумакҳои фаврӣ барои осебдидагон баргузор мекунад. Давраи омӯзишӣ аз 13 то 15 майи соли 2014 дар шаҳри Душанбе баргузор мешавад.
Дар иттилоияи намояндагии КБСС дар Тоҷикистон зикр мегардад, ки барои нахустин бор дар Тоҷикистон омӯзиши иқдомоти фавриятии пизишкӣ барои 20 пизишки бахши фавриятӣ баргузор хоҳад шуд. Омӯзандагони сатҳи ҷаҳонӣ аз Кумитаи Байналмилалии Салиби Сурх, ки дар арсаи ироаи кумакҳои аввалияи тахассус доранд, меъёрҳои равишҳои ташхис ва дармон барои беморонро омӯзиш хоҳанд дод. Ҳадаф аз ин омӯзиш коҳиши маргу мир бар асари як осеби умда аст.
Гуфта мешавад, баргузории ин омӯзиш бо мусоъидати фаъоли Вазорати тандурустӣ ва ҳифзи иҷтимоъӣ дар робита бо созмондиҳӣ имконпазир шуд.
Ҷулӣ Курӣ, намояндаи бахши беҳдошти КБСС гуфтааст: «Ҳадаф аз ин омӯзиш афзоишу тақвияти дониш ва маҳоратҳои мутахассисон аст, ки дар бахши кумакҳои фавриятии пизишкӣ кор мекунанд».
Зимнан зикр мегардад, ки барномаи ин давраи омӯзишӣ аз муҳимтарин масоил ва ҷанбаҳои ироаи кумакҳои фавриятӣ, бавижа дар шароити майдонӣ иборат аст.
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Кулли ахбор
Авторизуйтесь, пожалуйста