Дар шаҳри Исфараи вилояти Суғд дар доираи идомаи амалисозии барномаи вилоятии «Роҳҳои обод» маросими оғози корҳои таъмир ва ободонии як қатор роҳҳои кӯчаҳои марказии шаҳр доир гардид.
Зикр гардид, ки дар навбати аввал роҳҳои яке аз кӯчаи марказии шаҳр ба номи академик Бобоҷон Ғафуров пурра аз таъмир бароварда шуда, он асфалтпӯш мешавад. Барои таъмири асосии ин роҳ бо масофаи 1,2 километр ва паҳнои 10 метр дар маҷмӯъ ҷудо гардидани 200 ҳазор сомонӣ, аз ҷумла 130 ҳазор сомонӣ аз ҳисоби буҷети вилоятӣ ва маҳаллӣ, 60 ҳазор сомонӣ аз ҳисоби соҳибкорони маҳаллӣ ва ҳудуди 10 ҳазор сомонӣ аз ҳисоби маблағҳои ҷамъовардаи сокинони ин кӯча пешбинӣ шудааст.
Зимни суханронӣ дар ин маросим раиси шаҳри Исфара Даврон Зоҳидзода қайд кард, ки соли гузашта ба туфайли амалисозии барномаи «Роҳҳои обод» беш аз 165 километр роҳҳо аз таъмир бароварда шуда, соли равон таъмири асосиву пурраи 14,7 километр роҳҳои кӯчаҳои марказӣ ва таъмири ҷории дар маҷмӯъ 70 километр роҳҳои маҳаллӣ дар назар аст.
«Айни замон корҳои лоиҳакашии азнавсозии шоҳроҳи мошингарди Исфара - Хуҷанд, ки қитъаи исфарагии он 18,2 километрро ташкил медиҳад, ба итмом расида, лоиҳа бо ҳуҷҷатҳои дахлдор ба Вазорати нақлиёти ҷумҳурӣ супурда шуд, то ки ҷиҳати маблағгузорӣ минбаъд ба Бонки ҷаҳонӣ пешниҳод гардад», - гуфт раиси шаҳр.
Ҳамчунин зикр гардид, ки рӯзҳои наздик корҳои таъмиру азнавсозии пули автомобилгард дар деҳаи Чорқишлоқи ҷамоати Шаҳрак низ шурӯъ мешавад.
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Кулли ахбор
Авторизуйтесь, пожалуйста