Кормандони Вазорати тандурустӣ ҳамарӯза ба бемороне, ки бо нишонаҳои бемории коронавирус дар хона ба табобат машғуланд, тамос мегиранд. То аз шаффофияти фаъолияти табибони оилавӣ огаҳӣ дошта бошанд. Дар ин бора сардори маркази матбуотии Вазорати тандурустӣ Эмомалӣ Мирзоев ба “Азия-Плюс” иттилоъ дод ва гуфт, “мақсад аз тамос бо маризон ин аст, ки оё табибони оилавӣ ба аёдати ин беморон ба манзили онҳо мераванд ё на?”.
Сухангӯи Вазорати тандурустӣ инчунин илова кард, ки дар як шабонарӯз (соати 6-и бегоҳ, 12-и шаб ва 8-и субҳ) се марҳила ҷаласаи ситод гузаронида мешавад, ки дар он тамоми роҳбарони муассисаҳои тиббӣ муваззаф шудаанд, ки аҳолии минтақае, ки ба онҳо вобаста шудааст, бояд хона ба хонаи онҳо бигарданд.
“Дар ҷараёни хонагардӣ бархе сокинон бо нишонаҳои коронавирус ба қайд гирифта мешаванд, ки бо онҳо корҳои фаҳмондадиҳӣ гузаронида шуда, бо доруворӣ таъмин мегарданд. Ин беморон то шифо ётан зери назорати табибони оилавӣ қарор мегиранд. Ва табибон ҳамарӯза аз ҳоли онҳо бохабар шуда, бо онҳо бояд дар тамос бошанд. Агар бубинанд, ки нишонаҳои беморӣ вазнин аст ва бемор ба дастгоҳҳои нафасдиҳӣ ниёз дорад, ҳатман дар беморхона бистарӣ мекунанд”, - гуфт ҳамсуҳбати мо.
Эмомалӣ Мирзоев ҳамзамон афзуд, ки дар вақти гардишҳои хона ба хона, чанд нафар бо нишонаҳои коронавирус агар ба қайд гирифта шаванд, ба Вазорати тандурустӣ тамоми маълумоти онҳо (суроға, рақами тел, вазъи беморӣ) пешниҳод мегардад. Ва намояндагони Вазорати тандурустӣ ҷараёни табобати ин беморонро назорат мекунад.
“Гарчанде табибони оилавӣ аз ҳоли беморон хабар гиранд, мо кормандони вазорат боз ҳам барои дақиқ ва боварӣ ҳосил намудан, ки оё аз дармонгоҳ ба аёдати онҳо омада, аз ҳолашон пурсон шудаанд ва бо дору таъмин ҳастанд ё на, тамос мегирем. Агар бемор ягон изҳори норозигӣ кунад, намояндагони аз Вазорати тундурустӣ аз пайи ҳалли масъала мешаванд”, - илова кард Мирзоев.
Ҳамсуҳбати мо ҳамчунин гуфт, ки талошҳои пайвастаи Вазорати тандурустӣ барои он аст, ки нафарони беморро дарёфт кунанд ва аз ҳолашон то шифо ёфтан бохабар бошанд. “Чун бархе сокинон бо тасби баланд ё дигар нишонаҳои беморӣ ба духутур муроҷиат накарда, дар кӯча сайру гашт мекунанд, ки мабодо гирифтори бемории коронавирус бошад, метавонад чанд нафари дигарро сироят кунад”.
Ёдрас мешавем, ки вазири тандурустӣ рӯзи 4 август дар суҳбат бо роҳбарони шуъбаҳои тандурустии вилоятӣ, шаҳрӣ ва ноҳиявии кишвар, инчунин сардухтурони беморхонаҳои пешрафтаи ҷумҳурӣ дастур дод, ки назоратро аз болои сироятёфтагони коронавирус, ки дар хона табобат мегиранд, тақвият диҳанд ва инчунин ба табибони кишвар супориш дод, ки гардишҳои хона ба хонаро барои муайян кардани ҳолатҳои нави ин беморӣ дар байни аҳолӣ ва пешгирии сирояти коронавирус дар ҷомеа зиёд кунанд. Ҳамзамон масъулони вазорат мегӯянд Ҷамолиддин Абдуллозода дар баробари табибон худ низ мустақиман ба беморон тамос мегирад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста