Афшин Муқим, сухангӯи Кумитаи дин, танзими анъана ва ҷашну маросими Тоҷикистон ба “Азия-Плюс” гуфт, баргузории намози ҷумъа дар масҷиди навбунёди пойтахт сар аз ҳафтаи оянда, 16-уми июн, дар назар аст.

“Имрӯз танҳо ба хотири комилан омода шудани хидматгузорони масҷид ва омода кардани масҷид барои қабули ҳама намозгузорон намози ҷумъа барпо намешавад. Намозҳои панҷвақта бошанд, пас аз ифтитоҳи расмии масҷид баргузор гардида истодаанд”, - гуфт Афшин Муқим.

Маврид ба зикр аст, ки ин масҷид дирӯз бо ширкати раисиҷумҳури Тоҷикистон Эмомалӣ Раҳмон ва амири давлати Қатар Шайх Тамим бин Ҳамад Оли Сонӣ расман ифтитоҳ гардид.

Масҷиди нав ба номи Имоми Аъзам – Абӯҳанифа Нӯъмон ибни Собит гузошта шуд.

Дар бораи масҷид ва маросими ифтитоҳи он муфасаал дар матлаби "Расман: Калонтарин масҷиди Тоҷикистон ифтитоҳ шуд" хонед. 

Дар бо мо бимонед.ВК ва OK, Instagram, Facebook, Telegram