Бар асоси гузориши Созмони ҷаҳонии сулҳ, Афғонистон барои чаҳорум бор пайиҳам хатарноктарин кишвари ҷаҳон дониста мешавад. Ин кишвар аз соли 2019 инҷониб дар рейтинги бехатарӣ дар ҷойи охирин қарор дорад.
Бар асоси ин раддабандӣ, пас аз Афғонистон кишварҳои Яман, Сурия ва Русия дар се зинаи баъдӣ қарор гирифтаанд. Ҳар сеи ин кишварҳо ба гурӯҳи хатарноктарин мамлакатҳои ҷаҳон шомиланд.
Дар ин шохис Тоҷикистон зинаи 92, Қирғизистон 91, Қазоқистон 97 ва Туркманистон 104-умро ишғол кардааст.
Дар байни кишварҳои Осиёи Марказӣ Узбекистон дар мақоми 86-ум қарор гирифта, ба гузориши Созмони ҷаҳонии сулҳ, амнтарин кишвари Осиёи Марказӣ эътироф шудааст.
Бояд гуфт, ки ҳамаи ҷумҳуриҳои пасошӯравии Осиёи Марказӣ нисбат ба ИМА ва Туркия амнтар ҳисобида мешаванд.
Дар ин баробар, се зинаи аввали рейтингро кишварҳои Исландия, Зеландияи Нав ва Ирландия ишғол кардаанд.
Ин шохиси ҷаҳонии сулҳ ҳамасола аз ҷониби ҷомеашиносони гурӯҳи байналмилалии Пажӯҳишгоҳи сулҳ дар якҷоягӣ бо Маркази омӯзиши сулҳ ва низоъ дар Донишгоҳи Сидней таҳия карда мешавад.
Барои тартиб додани шохиси ниҳоӣ коршиносон нишондиҳандаҳои низоъҳои дохилӣ ва берунӣ, шиддатнокии онҳо ва шумораи қурбониён; фисади гурезагон дар байни аҳолӣ; ноустувории сиёсӣ ва тартиботи ҷамъиятӣ; ҳамлаҳои террористӣ; шумораи маҳбусон ва ворид ва содироти силоҳро ба инобат мегиранд.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста