Ҳаҷми муомилоти моли хориҷии Тоҷикистон дар зарфи 10 моҳи соли равон 4 млрд. 117 млн. доллари ИМА-ро ташкил дод, ки дар муқоиса бо ҳамин давраи соли гузашта ба андозаи 12% ё худ 442 млн. доллари ИМА зиёдтар аст.
Бино ба маълумоти Агентии омори ҷумҳурӣ, тавозуни савдо дар ин давра манфӣ ва муодили ҳудуди 1 млрд. 905 млн. доллари ИМА шудааст. Дар ин давра Тоҷикистон бо 97 кишвари дунё, аз ҷумла 10 кишвари узви Иттиҳоди давлатҳои Мустақил ва 87 кишвари хориҷи дур муомилоти молӣ анҷом додааст.
Дар давраи сипаришудаи соли равон ҳаҷми содироти мол 1, млрд. $-ро ташкил додааст, ки нисбат ба ҳамин давраи соли гузашта 5,7% зиёдтар мебошад.. Дар ин давра ба ҷумҳурӣ дар ҳаҷмибеш аз 3 млрд. $ маҳсулот ворид гардидааст, ки нисбат ба ҳамин давраи соли гузашта ба андозаи 14,6 бештар аст.
Дар муқоиса бо ҳамин давраи соли гузашта дар зарфи 10 моҳи соли равон ҳаҷми содироти маҳсулоти ғизоии тайёр ба андозаи 68%, мошину таҷҳизот – 45%, фулузоти арзон ва маснӯоти он – 21% ва маҳсулоти рустанӣ ба миқдори 11% коҳиш ёфт. Содироти воситаҳои нақлиёт ба андозаи 2,4 баробар, маҳсулоти минералӣ – 2,1 баробар ва металлҳои қиматбаҳо ба миқдори 37% афзуд.
Дар ҳамин ҳол, моҳҳои январ-октябри соли ҷорӣ ҳаҷми воридоти воситаҳои нақлиёт ба андозаи 2,3 баробар, маҳсулоти рустанӣ – 36%, маҳсулоти тайёри ғизоӣ – 15% зиёд шуд.
Воридоти гази табиӣ аз рӯйи ҳаҷм 23% ва аз рӯйи арзиш 15% коҳиш ёфт. Тӯли моҳҳои январ-октябри соли равон ба Тоҷикистон ба маблағи 33,8 млн. $ 116,3 млн. метри мукааб газ ворид карда шуд.
Шарики асосии Тоҷикистон дар муомилоти мол Русия боқӣ монда, дар зарфи 10 моҳи соли равон ҳаҷми муомилоти мол миёни Тоҷикистону Русия ҳудуди 835 млн. доллари ИМА-ро ташкил дод. Дар ин давра ҳаҷми муомилоти моли Тоҷикистон бо Чин – 565 млн. $, Қазоқистон – 554 млн. $, Туркия – 468 млн. $, Афғонистон – 188 млн. $ ва Эрон – 187 млн. доллари ИМА-ро ташкил дод.
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Кулли ахбор
Авторизуйтесь, пожалуйста