Дар Тоҷикистон соли гузашта 21,5 ҳазор соҳибкор фаъолияти худро қатъ кардаанд, ки аз ин 20,5 ҳазор соҳибкори инфиродӣ ва 982 шахси ҳуқуқӣ мебошанд. Дар ин бора Султон Раҳимзода, раиси Кумитаи давлатии сармоягузорӣ ва идораи амволи давлатии Тоҷикистон дар нишасти матбуотӣ хабар дод.
Ӯ дар посух ба суоли “Азия-Плюс” гуфт, соли гузашта 33,1 ҳазор соҳибкори нав ба қайд гирифта шудааст. Вай ин рақамро дар муқоиса ба шумораи онҳое, ки фаъолияташонро қатъ карданд, “раванди хуб” арзёбӣ кард.
Султон Раҳимзода сабаби қатъи фаъолияти соҳибкоронро объективӣ гуфт.
“Як қисмат аз ҳисоби фаъолият накардан, аз рӯйхат берун карда шуда, қисми зиёди дигари аз як намуди фаъолият ба намуди дигари фаъолият гузаштанд”, - шарҳ дод раиси Кумита.
Саъдӣ Қодирзода, раиси пешини Кумитаи давлатии сармоягузорӣ ва идораи амволи давлатии Тоҷикистон дар нишасти матбуотии моҳи феврали соли гузашта гуфта буд, ки дар соли 2022 дар кишвар 28 ҳазору 331 соҳибкори инфиродӣ фаъолияти худро қатъ карда, ҳудуди 1000 корхона барҳам хӯрдааст. Теъдоди соҳибкороне, ки фаъолияти худро қатъ кардаанд, нисбат ба 1-уми январи соли 2021-ум қариб 800 ва корхонаҳои барҳамхӯрда 100 адад зиёд буд.
Раиси пешин ҳам гуфта буд, ки аксари соҳибкорон аз як намуди фаъолият ба фаъолияти дигар, аз ҷумла аз патент ва шахси ҳуқуқӣ гузаштанд, ки ин ҳам ба омори барҳамхӯрии соҳибкорон шомил мешавад.
Номбурда гуфт, ки аксари соҳибкорон аз надонистани ин ё он қонунгузорӣ, санадҳои меъёрию ҳуқуқӣ, надоштани маърифати молиявӣ, вақте корхонаро ба қайд мегиранд, корро сар накарда, муфлис мешаванд.
Ба ҳолати 1 январи соли 2024 дар миқёси ҷумҳурӣ 350,2 ҳазор адад субъектҳои хоҷагидор фаъолият мекунад, ки ин нишондод дар муқоиса нисбат ба ҳамин давраи соли 2022-юм 10 138 адад ва ё 2,9 фоиз зиёд мебошад.
Баҳси барҳамхӯрии соҳибкорон дар Тоҷикистон солҳост, ки доғ аст. Мақомот мегӯянд, барои онҳо ҳамаи заминаҳо барои фаъолият муҳайё аст, вале худи соҳибкорон мегӯянд, маҳз меъёри баланди андоз ва санҷишҳои беасоси мақомоти назоратӣ онҳоро маҷбур мекунад, ки фаъолиташонро қатъ кунанд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста