Бар асари як садамаи нақлиёт дар минтақаи шимоли ҷумҳурӣ се нафар ба ҳалокат расиданд.
Тавре ба ОИ «Азия-Плюс» аз Раёсати ВКД ҶТ дар вилояти Суғд хабар доданд, шоми рӯзи панҷшанбеи ҳафтаи равон, тахминан соатҳои 21:00 дар километри 90-уми роҳи мошингарди Душанбе-Хуҷанд-Чаноқ, дар қаламрави деҳаи Такфони ноҳияи Айнӣ автомашинаи тамғаи «Опел-Вектра» таҳти идораи сокини 35-солаи шаҳри Душанбе Баҳром Афғонов ба садамаи нақлиёт дучор гардида, ба ҷарии 200-метра сарозер меравад.
«Бар асари садама ронандаи автомашина ва мусофирони он – сокини 54-солаи совхози «Варзоб»-и ноҳияи Рӯдакӣ Бибимайсара Ашӯрова ва сокини 25-солаи ҷамоати Чилгазии шаҳри Исфара Мирдалер Обидов аз ҷароҳатҳои бардошта дар ҷойи ҳодиса ба ҳалокат расиданд», - гуфтанд дар раёсати ВКД.
Бино ба маълумоти Шуъбаи Раёсати бозрасии давлатии автомобилии РВКД ҶТ дар вилояти Суғд, дар зарфи 8 моҳи соли равон дар роҳҳои мошингарди минтақаи шимоли ҷумҳурӣ 207 ҳодисаи (ҳамин давраи соли 2011 – 222 ҳодиса) садамаи нақлиёт ба қайд гирифта шуда, дар натиҷа 97 нафар (соли 2011 – 104 нафар) ҳалок ва 218 тан (соли 2011 – 225 тан) ҷароҳат бардоштанд.
Ҳамчунин рӯзи панҷшанбе дар қаламрави ҷумҳурӣ боз як автомашинаи тамғаи «Опел» дучори садама гардид. Дар километри 210-уми роҳи мошингарди Душанбе-Ҷиргатол ронандаи автомашинаи «Опел-Астра» Абдуҷалол Каримов аз уҳдаи идораи воситаи нақлиёт набаромада, бо автомашинааш ноболиғонро пахш мекунад. Дар натиҷа Муҳаммади Мустафои 9-сола ва Идибек Хушвақтови 12-сола аз ҷароҳатҳои бардошта дар ҷойи ҳодиса ба ҳалокат расиданд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста