Президенти Тоҷикистон Эмомалӣ Раҳмон ва волоҳазрат шоҳзода Карим Оғохони IV – пешвои исмоилиёни ҷаҳон, ки рӯзи 30-юми октябр бо сафари серӯза ба Тоҷикистон ташриф овард, имрӯз ба сохтмони пули нав дар рӯдхонаи Панҷ миёни Тоҷикистону Афғонистон ҳусни оғоз хоҳанд бахшид.
Тавре ба ОИ «Азия-Плюс» аз Созмони Оғохон оид ба рушд (AKDN) хабар доданд, айни замон Эмомалӣ Раҳмон ва шоҳзода Оғохони IV озими ноҳияи Шӯроободи вилояти Хатлон шудаанд.
Нимаи дуюми имрӯз онҳо дар маросими расмии ҳусни ифтиоҳ бахшидан ба сохтмони пули панҷум миёни Тоҷикистону Афғонистон дар чаҳорчӯби амалисозии ташаббуси фаромарзии AKDN иштирок хоҳанд кард.
Дарозии пули нав 162 ва паҳноиаш 3,5 метр буда, иқтидори борбардориаш ба 30 тонна баробар аст. Ин пул ноҳияи Шӯроободи вилояти Хатлон ва музофоти Хоҳони Афғонистонро ба ҳам мепайвандад.
Лоиҳа аз ҷониби Бунёди Оғохон бо дастгирии молиявии ҳукумати Олмон тавассути агентии KFW амалӣ мегардад.
Шоми имрӯз Эмомалӣ Раҳмон ва шоҳзода Оғохон ба Душанбе бармегарданд. Онҳо пагоҳ дар маросими пуршукӯҳи ифтитоҳи меҳмонхонаи панҷситорадори «Душанбе Серена» ширкат хоҳанд варзид.
Дар AKDN изҳор карданд, ки меҳмонхонаи мазкур дорои 95 ҳуҷра буда, аз фурудгоҳи байнулмилалии Душанбе дар масофаи 10 дақиқаи ҳаракат ва дар маркази пойтахт воқеъ аст. Барои сохтмони меҳмонхонаи мазкур 58 млн. доллари ИМА масраф шудааст.
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Кулли ахбор
Авторизуйтесь, пожалуйста
russia-20182 ноябр, 2011 09:58
Это большой успех для обоих стран!