Журналист ва мухолифи ҳукумати кунунии Тоҷикистон Додоҷон Атовуллоев Русияро тарк гуфта, айни замон дар яке аз кишварҳои Аврупо қарор дорад, - иттилоъ медиҳад оҷонсии «Фергана.ру».
Ба оҷонсии мазкур номбурда гуфтааст, ахиран пайгириашро мушоҳида кардааст. «Масалан, автомобили маро ҳамеша як автомобили тамғаи «Форд» таҳти идораи марди симои осиёидошта пайгирӣ намуда, ҳамчунин назди бинои истиқоматиам муддати чанд рӯз ду шахси ношиносеро мушоҳида кардаанд, ки гоҳ-гоҳ ба даромадгоҳи манзили ман ворид мешудаанд ва ғайра», - изҳор доштааст ӯ ба хабаргузорӣ.
Хабаргузорӣ зикр менамояд, ки дар Маскав мондани Атовуллоев бехатар набуд, зеро аксаран бар ин гумон буданд, ки ӯро бо мусоидати (ё аз фориғболии) мақомоти ҳифзи ҳуқуқи Русия ба гунаи Низомхон Ҷӯраев хадамоти махсуси Тоҷикистон метавонистанд «бидузданд».
Бо мақсади таъмини амнияти Атовуллоев журналистон ва дӯстонаш ӯро то фурудгоҳ гусел кардаанд. Гуфта мешавад, феълан макони будубоши Атовуллоев бехатар буда, ояндаи наздик ӯ дар яке аз дармонгоҳҳои аврупоӣ ба табобат мепардозад.
Ёдрас мекунем, ки 12-уми январи соли равон ба ҷони Атовуллоев суиқасд ташкил гардида, ӯ аз захми корд ҷароҳат бардошт. Танҳо ба туфайли саривақт расидани мошини «Ёрии таъҷилӣ» ва маҳорати касбии ҷарроҳони Донишкадаи Ёрии таъҷилии ба номи Склифосовский, наҷоти журналист муяссар гардид. Аксари коршиносон ин суиқасдро ба фаъолияти Атовуллоев, ки зидди ҳукумати кунунии Тоҷикистон аст, нисбат медиҳанд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста