Худоёр Худоёрзода, вазири пешини нақлиёти Тоҷикистон, ки тобистони имсол ба гуфтаи мақомот қасди худкушӣ карда буду худро корд зад, муовини директори ширкати IRS дар умури нигаҳдории роҳ шудааст.
Бино ба иттилои дафтари матуботии ширкати мазкур, фармони Худоёр Худоёрзода рӯзи 22 октябри соли 2020 дар ин мақом тасвиб шудаааст
Бояд гуфт, ки субҳи рӯзи 11 август Додситонии кулли Тоҷикистон хабар дода буд, ки вазири нақлиёти Тоҷикистон Худоёр Худоёрзодаи 62-сола дар заминаи муноқишаи оилавӣ қасди худкушӣ карда буд. Баъдан бар пайи ин ҳодиса ӯ аз мақомаш барканор гардид, вале далели барканорияш "бо сабаби ба нафақа баромадан" гуфта шуд.
Бино ба иттилои Додситонии кулл, он замон ӯ дар хонаи истиқоматии худ воқеъ дар кӯчаи Ҷаббор Расулови шаҳри Душанбе бо истифода аз корди хоҷагӣ бо мақсади аз ҳаёт маҳрум сохтани хеш даст ба худкушӣ зада буд. Тибқи ҳамин иттилоия, ҳамсару пайвандонаш аз ҳодиса хабардор шуда буданду ӯро наҷот доданд ва чанд рӯзе ҳам дар бемористони Истиқлол бистарӣ шуда буд.
Қобили зикр аст, ки Худоёр Худоёрзода аз соли 2017 то 2020 ба ҳайси вазири нақлиёти Тоҷикистон фаъолият дошт. Худоёр Худоёрзод соли 1958 дар ноияи Рӯшони ВМКБ таваллуд шудааст. Дар гузашта вакили Маҷлиси вакилони халқи ВМКБ ва узви Маҷлиси Миллии Тоҷикистон буд. Аз соли 2013 то 2017 ба ҳайси раиси ноҳияи Рӯшони ВМКБ низ фаъолият кардааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста