Ҷумҳурии Тоҷикистон аз натиҷаҳои нишасти 41-уми Шӯрои ҳамкории кишварҳои арабии Халиҷ, ки 5 январи 2021 дар ал-Уло, Подшоҳии Арабистони Саудӣ баргузор шуд, истиқбол мекунад, гуфта мешавад дар изҳороти Вазорати корҳои хориҷии ҷумҳурӣ дар ин робита.
Иштирокчиёни нишаст дар бораи оштишавӣ бо Давлати Қатар созишнома ба имзо расониданд.
Дар қарордод оид ба хотимаи буҳрони дипломатӣ дар Ховари Миёна, ки вобаста ба макони имзояш “Изҳороти Ал-Уло” ном гирифт, бекор шудани муҳосира нисбати Қатар, инчунин ифтитоҳи сарҳадҳои ҳавоӣ, баҳрӣ ва заминӣ бо ин кишвар пешбинӣ шудааст.
Ба созишнома Баҳрайн, АМА, Қатар, Кувейт, Уммон, Арабистони Саудӣ ҳамроҳ шуданд. Ба ҷуз кишварҳои Халиҷи Форс, Миср ҳам ба барқарор кардани алоқаи ҳавоӣ бо Давҳа розигии усулӣ дод.
Дар изҳороти ВКХ Тоҷикистон таъкид мешавад, ки Тоҷикистон ба имзо расидани Баёнияи ал-Уло байни Подшоҳии Арабистони Саудӣ, Амороти Муттаҳидаи Арабӣ, Давлати Кувайт, Подшоҳии Баҳрайн, Салтанати Умон, Ҷумҳурии Арабии Миср ва Давлати Қатарро иқдоми шоиста дар роҳи барқарор сохтани муносибатҳо ва таҳкими амну субот ва шукуфоӣ дар минтақа мешуморад.
Вазири корҳои хориҷии Арабистони Саудӣ Файсал ибни Фарҳон Оли Сауд изҳор доштааст, ки қарори мазкур ба кишварҳои арабӣ имкон медиҳад, ки муносибатҳои дипломатиро бо Қатар барқарор созанд.
Қобили зикр аст, ки соли 2017 Арабистони Саудӣ, Миср, Баҳрайн ва Амороти Муттаҳидаи Араб эълом доштанд, ки муносибатҳои дипломатиашонро бо Қатар қатъ мекунанд. Намояндагони ин кишварҳо Давҳаро дар ташаннуҷи вазъи сиёсии дохилӣ дар кишварҳои арабӣ, инчунин дастгирии созмонҳои террористӣ айбдор карданд. Баъдан ба ин таҳрим Яман, Либия, Малдив, Маврикия, Мавритания ва Иттифоқи Ҷазираҳои Комор пайвастанд.
Ҳукуматдорони Қатар ҳамаи иттиҳомро рад намуда, муҳосираро суиқасд ба соҳибистиқлолӣ номида буданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста