Адвокатҳои соҳибкор Зайд Саидов аз мақомоти тафтишот дархост кардаанд, ки барои муайян кардани эҳтимоли падар будани зерҳимояи онҳо нисбати кӯдаке, ки модараш ӯро ба таҷовуз ба номусаш айбдор мекунад, ташхиси ДНК гузаронида шавад.
Тавре ба ОИ «Азия-Плюс» адвокати соҳибкор Исҳоқ Табаров хабар дод, дархост рӯзи 10-уми август пешниҳод шуда, имрӯз, 16-уми август бояд посух бигиранд.
«Дар муддати 10 рӯз бояд посух бирасад ва мо имрӯз боз ба мақомоти тафтишот баҳри огаҳӣ аз тасмими онҳо муроҷиат мекунем, вале онҳо алҳол имкони баргузории ташхиси биологӣ дар Тоҷикистонро баррасӣ доранд, ки он мувофиқат дар гурӯҳи хунро муайян мекунад, вале ба мушаххас намудани эҳтимоли падарӣ ба кӯдак кӯмак намекунад», - иброз дошт Табаров.
Адвокат изҳор кард, ки сарфи назар аз чигунагии қарори мақомоти тафтишот, онҳо ба баргузории ташхиси ДНК исрор хоҳанд варзид, зеро то анҷоми ин ташхис парванда набояд ба суд ирсол гардад. «Баргузории ташхиси ДНК дар Тоҷикистон ғайриимкон аст ва дар ин робита, мо ҳамаи хароҷоти баргузории он дар хориҷи кишварро ба зиммаи худ мегирем», - зикр кард ӯ.
Номбурда ҳамчунин гуфт, дар сурати қонеъ шудани дархосташон, ташхис шояд дар Олмон гузаронида шавад ва арзиши он ҳудуди 1 ҳазор доллари ИМА-ро ташкил медиҳад.
Ба савол оид ба дар аксҳои пайдошуда дар Facebook «ҷабрдида»-ро шинохтани ӯ, Табаров посух дод, ки ӯ алҳол ин аксҳоро надидааст, вале намояндагони ҳимоя, ки зимни рӯбарӯкунӣ дар СИЗО ҳузур доштаанд, инро тасдиқ намудаанд.
Ёдрас мекунем, ки дар маросими рӯбарӯкуниии рӯзи 13-уми август соҳибкори маъруф Зайд Саидов духтареро, ки ба таҷовуз ба номусаш ӯро айбдор медонад, нашинохт. Зимни вохӯрӣ Зайд изҳор кард, ки ин духтарро бори аввал мебинад ва қаблан ӯро намешинохт, аммо духтар ӯро шинохта ба гунаҳкор кардани ӯ дар таҷовуз ба номусаш идома дод.
Дар ҳамин ҳол, рӯзи 15-уми август дар шабакаи иҷтимоии Facebook аксҳои зане пайдо шуданд, ки гуфта мешавад, ҳамин духтар соҳибкор Зайд Саидовро ба таҷовуз ба номусаш муттаҳам мекунад.
Дар силсилаи аксҳои аз ҷониби шахси номаълум аксбардоришуда духтаре бо либоси миллии ҳарир ва дар даст қуттии тамоку тасвир ёфтааст. Дар акс дида мешавад, ки ӯ дар назди бинои КДАМ, ҷойи нигаҳдории Зайд Саидов қарор дорад. Дар паҳлӯи ӯ як зани дигар ва Фирӯз Холмуродов, муовини сардори Раёсати тафтишоти Агентии зиддифасод ва ҳамзамон роҳбари гурӯҳи тафтишотӣ оид ба парвандаи Зайд Саидов истодаанд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста