Мураббиён ва волидайни кӯдакистони рақами 143-и шаҳри Душанбе барои иваз намудани ҳайати шахсии кӯдакистон дар назди муассиса як намоиши эътиозӣ барпо намуданд.
Кормандон ва волидайни кӯдакон мегӯянд, молики бино – Кароматулло Абдиев, раиси шӯрои мудирони ҶДММ «Кӯҳандиз», ки кӯдакистон дар тавозуни ин корхона аст, фармон додааст, ки ҳайати шахсии феълии кӯдакистон аз вазифа сабукдӯш карда шуда, ба ҷойи онҳо шахсони нав таъин гарданд.
Зимни сӯҳбат бо мураббиёну ҳайати шахсии кӯдакистон К. Абдиев изҳор кард, ки танҳо мудири кӯдакистон Зулайхо Хоҷаеваро барои саркашӣ аз тобеъият сабукдӯш кардааст.
Дар навбати худ, раиси корхонаи «Кӯҳандиз» Мирзомиддин Шамсов гуфт, танҳо мудири кӯдакистон Зулайхо Хоҷаева ва мураббӣ Мавлуда Ҳамидоваро аз кор озод кардааст.
Дар ҳамин ҳол, ҳайати шахсӣ ва падару модарони кӯдакон мегӯянд, тайи 4 соли ахир корхона ба кӯдакистон умуман маблағгузорӣ накардааст, вале «имрӯз шахсони худро ба вазифа таъин карда , соҳиби тамоми амвол шуданианд».
Ғайр аз ин, падару модарони кӯдаконе, ки дар ин ҷо тарбия мегиранд, иваз шудани ҳайати шахсии кунуниро қабул надоранд ва изҳор медоранд, ки «агар ҳатто яке аз мураббиён аз кор озод карда шавад, мо фарзандони худро дигар ба ин кӯдакистон нахоҳем овард».
Мудири кӯдакистони мазкур ва намояндагони ҶДММ «Кӯҳандиз» тасмим гирифтанд, ки ин масъаларо дар шӯъбаи маорифи ноҳияи Сино ҳаллу фасл хоҳанд кард, вале З.Хоҷаева мегӯяд, агар ин муяссар нагардад, ӯ бинобар поймолкунии ҳуқуқ ва амалҳои ғайриқонунӣ аз болои мақомоти раҳбарии корхона ба раиси шаҳр М. Убайдуллоев шикоят хоҳад бурд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста