Ахири моҳи октябр дар шаҳри Белокурихаи кишвари Олтойи Русия баргузории Ҳамоиши ҷавонони кишварҳои узви Созмони Ҳамкории Шанхай оид ба масоили соҳибкорӣ ба нақша гирифта шудааст.
Бино ба маълумоти Котиботи Шӯрои ҷавонони СҲШ, пешниҳоди баргузории ҳамоиш аз ҷониби президенти Русия Владимир Путин дастгирӣ ёфтааст. Корҳои тадорукотии чорабинӣ бо мусоидати намояндаи ваколатдори президенти Русия дар Ҳавзаи федералии Сибир, намояндаи махсуси президенти Русия дар умури СҲШ, губернатори кишвари Олтой ва ҳамчунин як қатор мақомоти давлатии Русия – Вазорати корҳои хориҷӣ, рушди иқтисод, маорифу илм, мухобироти оммавӣ ва алоқа, саноату савдо ва Агентии федералӣ оид ба сайёҳӣ сурат мегиранд.
Пуштибонӣ аз рушди соҳибкорӣ, бахусус соҳибкории хурду миёна ва ба тиҷорат ҳамоҳанг сохтани фаъолияти ихтироъкорон аз ҳадафҳои аслии ҳамоиши мазкур унвон мешаванд. Дар ин чорабинии дурӯза аз гирдиҳам омадани беш аз 500 нафар иштирокчиён интизорӣ меравад.
Дар барномаи рӯзи аввал маърӯза ва муаррифии таҷрибаи соҳибкорони муваффақтарин дар паҳнои СҲШ пешниҳод мегардад.
Дар барномаи рӯзи дуюм фаъолият дар самтҳои гуногун, аз ҷумла бахшҳои маориф, рушди технологияҳои иттилоотӣ дар минтақаи Уқкёнуси Ором ва Осиё, тиҷорати электронӣ, кишоварзӣ ва энергетика пешбинӣ шудааст.
Дар бахши «Маориф» баррасии масъалаи рӯзмарраву муҳим будани таҳияи барномаи махсус дар соҳаи расмиёти тиҷорати маъмурӣ дар доираи Донишгоҳи СҲШ ва муаррифии низоми дисконтӣ барои ҷавонони кишварҳои узви СҲШ – SCOYOUTHCARD дар назар аст.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста